Islam Sunni

Islam Sunni nya takang ke pemadu besai dalam pengarap Islam, ditangkanka 85–90% ari orang Islam sedunya, lalu berebak enggau nya denominasyen pengarap pemadu besai di dunya. Nama iya datai ari leka jaku Sunnah, nunjukka tradisyen Muhammad.^[1][2] Pemida entara Islam Sunni enggau Syiah nyadi ketegal enda setuju pasal pengawa nganti Muhammad lalu udah nya bulih reti politik ti lebih luas, sereta mega dimensyen teologi enggau undang-undang.^[3] Nitihka tradisyen Sunni, Muhammad nadai ninggalka orang ke nganti iya lalu bala pesereta pengawa Saqifah nyiri Abu Bakar as-Siddiq nyadi orang ke nangkanka iya (khalifah keterubah).^[3][4][5] Tu bebida enggau penemu Syiah, ti madahka Muhammad nyiri menantu enggau petunggal iya Ali bin Abi Talib nyadi penganti iya.^[6]

Bala ke megai pengarap Islam Sunni disebut dalam jaku Arab ahl as-sunnah wa l-jamāʻah ("orang sunnah enggau gempuru") tauka pemandak iya ahl as-Sunnah for short.

Al-Quran, beserimbai enggau hadis (kelebih agi Enam Bup) enggau ijmak (konsensus undang-undang), nyadika pelasar semua fiqh tradisional dalam Islam Sunni. Pemutus syariah datai ari pun penatai asas tu, beserimbai enggau runding analogi, beratika pengelantang mensia mayuh enggau budi bicara undang-undang, ngena prinsip undang-undang ti dikemansangka sekula undang-undang tradisional. Dalam pekara pengarap, tradisyen Sunni ngetanka enam tiang iman (pengarap) lalu mungkur sekula Ash’ari enggau Maturidi kalam (teologi) sereta mega sekula Athari tekstualis. Sunni ngumbai empat iku khalifah keterubah ia nya Abu Bakar (r. 632–634), Umar bin Al-Khattab (r. 634–644), Uthman bin Affan (r. 644–656) enggau Ali (r. 656–661) nyadi rashidun (diiring enggau bendar) lalu bebasaka sahaba, tabi'in enggau tabi al-tabi'in nyadi salaf (pengulu).

1. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
2. ↑ Bialik, Carl (2008-04-09). "Muslims May Have Overtaken Catholics a While Ago". The Wall Street Journal (in Inggeris AS). ISSN 0099-9660. Retrieved 2021-08-26.
3. ↑ ^{3.0 3.1} Ralat Lua pada baris 3162 di Modul:Citation/CS1: attempt to call field 'year_check' (a nil value).
4. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
5. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
6. ↑ Jafri, Syed Husain Mohammad (27 August 1976). The Origins and Early Development of Shi'a Islam (Millennium (Series)) (The Millennium (Series).). Karachi, Pakistan: Oxford University Press (First Published By Longman Group Ltd and Librairie du Liban 1979). pp. 19–21. ISBN 978-0195793871. The Shi'a unequivocally take the word in the meaning of leader, master and patron and therefore the explicitly nominated successor of the Prophet. The Sunnis, on the other hand, interpret the word mawla in the meaning of a friend or the nearest kin and confidant.