Back ألفونس ميلن إدواردس Arabic الفونس ميلن ادواردس ARZ Alphonse Milne-Edwards Catalan Alphonse Milne-Edwards German Alphonse Milne-Edwards English Alphonse Milne-Edwards Esperanto Alphonse Milne-Edwards Spanish Alphonse Milne-Edwards Finnish Alphonse Milne-Edwards French Alphonse Milne-Edwards Galician
.jpg)
Ni Alphonse Milne-Edwards (Paris, 13 Oktubre 1835 – Paris, 21 Abril 1900) ket maysa idi a Pranses a mamalogo, ornitologo ken karsinologo. Isu ket Ingles iti taudan, ti anak lalaki ni Henri Milne-Edwards ken apo ni Bryan Edwards, ti Hamaikano a mammula a nagtaeng iti Bruges (dati idi a Pransia).[1]
Nakagun-od ni Milne-Edwards iti grado ti medisina idi 1859 ken nagbalin a katakunaynay iti amana iti Jardin des Plantes idi 1876.[1] Nagbalin isuna a direcktor ti Muséum National d'Histoire Naturelle idi 1891, ken nangruna isuna a nagraraem iti posil dagiti billit ken ti eksplorasion iti adalem a baybay. Idi 1881, nagaramid isuna iti panagsukisok iti Golpo ti Gascony ken ni Léopold de Folin ken nagobra isuna a limmugan iti Travailleur ken ti Talisman kadagiti panagbiahe iti Is-isla ti Canary, ti Is-isla ti Cabo Verde ken tiAzores. Para iti daytoy, nakaawat iti balitok a medalio iti Naarian a Heograpikal a Kagimongan.[1]
Dagiti nangruna nga obrana iti ornitolohia ket ti Recherches Anatomiques et Paléontologiques pour servir a l'Histoire des Oiseaux Fossiles de la France a naipablaak kadagiti dua a parte idi 1867 ken 1872, ti Recherches sur la Faune ornithologique étiente des iles Mascareignes et de Madagascar 1866–1874 ken Recherches pour servir à l'histoire naturelle des mammifères 1868–1874.[2] Ti panagadalna kadagiti posil ket nakaiturongan ti pannakaduktal kadagiti tropikal a billit a kas dagiti trogon ken dagiti loro manipud iti prehistoriko a Pransia.[1] Kaduana a nagobra ni Alfred Grandidier iti L'Histoire politique, physique et naturelle de Madagascar.[3]
Nangipalawag pay ni Milne-Edwards iti saan a basbassit ngem maysa a takson ti mula; ti maysa a sebbangan ti gutta-percha a naurnong manipud iti isla ti Grande Comore, Comoros babaen ti ornitologo a ni Léon Humblot, a ninaganan ni Milne-Edwards iti Isonandra gutta.[4] (ti I. gutta ket naikeddeng ita a maysa a taksonomiko a sinonimo ti Palaquium gutta (Hook.) Burck,[5] ken maysa a homonimo iti bukodna a basonimo iti Isonandra gutta Hook..)[6]
Ti maysa a subsebbangan ti alutiit ti Tengnga nga Amerika, ti Holcosus festivus edwardsii Bocourt, 1873, ket nanaganan a kas pamamdayaw ken ni Milne-Edwards.[7]
- ^ a b c d Anonymous (1900). "Obituary – Professor Alphonse Milne-Edwards" (PDF). The Auk. 17 (3): 320–321. doi:10.2307/4069150.
- ^ "Review of The Fauna of British India. Part I. 'Mammalia', edited by W. T. Blanford; Recherches pour servir à l'Histoire Naturelle des Mammifères par Alphonse Milne Edwards". The Quarterly Review. 186: 394–419. Oktubre 1897.
- ^ Anonymous (1922). "Obituary – Albert Grandidier" (PDF). The Auk. 39 (3): 451–456 (453). doi:10.2307/4073496.
- ^ Bulletin du Muséum d'Histoire Naturelle 5: 187–189. 1899. "Name – Isonandra gutta Milne-Edw". Tropicos. Saint Louis, Missouri: Missouri Botanical Garden. Naiyarkibo manipud iti kasisigud idi 2019-08-20. Naala idi 20 Agosto 2013.
- ^ "TPL, treatment of Isonandra gutta Hook". The Plant List; Version 1. (naipablaak iti internet). Royal Botanic Gardens, Kew and Missouri Botanical Garden. 2010. Naiyarkibo manipud iti kasisigud idi 2018-10-03. Naala idi 20 Agosto 2013.
- ^ "Name – Isonandra gutta Milne-Edw. homonyms". Tropicos. Missouri Botanical Garden. Naiyarkibo manipud iti kasisigud idi 2019-08-20. Naala idi 20 Agosto 2013.
- ^ Beolens, Bo; Watkins, Michael; Grayson, Michael (2011). The Eponym Dictionary of Reptiles. Baltimore: Johns Hopkins University Press. xiii + 296 pp. ISBN 978-1-4214-0135-5. ("Edwards", p. 80).
- ^ "The Code Online". International Council of Zoological Nomenclature.
- ^ IPNI. Milne-Edw.