Back كزوارينة Arabic كازارينا ARZ Kazuarina Azerbaijani Casuarina Catalan Casuarina CEB Přesličník Czech Kasuarinen German Casuarina English Kasuarino Esperanto Casuarina Spanish
| Casuarina | |
|---|---|
| |
| Ti Casuarina equisetifolia, a mangipakpakita kadagiti nalabbasit a babai a sabong ken dagiti nataengan a bunga | |
Taksonomia 
| |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Urnos: | Fagales |
| Pamilia: | Casuarinaceae |
| Henero: | Casuarina L.[1][2] |
| Sebbangan-kita | |
| Casuarina equisetifolia[2] L.
| |
| Sebbangan | |
|
Kitaen ti teksto | |
| |
Ti Casuarina ket isu ti henero dagiti 17 a sebbangan iti pamilia ti Casuarinaceae, patneng daytoy ti Australasia, ti Indiano a Subkontinente, Abagatan a daya nga Asia, ken ti is-isla ti akinlaud a Taaw Pasipiko. Daytoy ket natrato idi a kas ti agmaymaysa a henero iti pamilia, ngem daytoy ket naipagsisina kadagiti tallo a henero (kitaen ti Casuarinaceae).[3]
Dagitoy ket kankanayon a berde a kayo a dumakkel iti 6–35 m (20–115 ft) a katayag. Ti samekna ket buklen ti narapis, adu ti sangana a berde aginggana ti kolordapo-berde a sangsanga iti 0.5–1 mm (0.020–0.039 in) a diametro, nga addaan iti bassit-usit a nasiksikan a bulbulong iti aligusgos iti 5–20. Dagiti sabong ket mapataud iti bassit a kasla amento dagiti nagraraay; dagiti sabong ket simple a buston. Kaaduan kadagiti sebbangan ket dioecious, ngem adda met dagiti bassit a monoecious. Ti bunga ket maysa a natarikayo, immitlog ti estruktura ken kasla kapada ti kono ti konipera a buklen dagiti nadumaduma a karpela a ti tunggal maysa ket aglaon iti agmaymaysa a bukel nga addaan iti bassit a payak.[3][4] Ti henetiko a nagan ket naala manipud iti Malay a balikas para iti kasuari, a mangibagbaga ti pannakaipada a baetan ti dutdot ti billit kadagiti samek ti kayoa,[5] ngem ti kayo ket tinawtawagan ti rhu iti agdama nga alagaden a Malay.
Ti sebbangan ti Casuarina ket taudan ti taraon dagiti arabas dagiti hepialid burbur; kamkameng ti henero nga Aenetus, a mairaman ti A. lewinii ken A. splendens, horisontal dagitoy nga umosok kadagiti puon sadanto bertikal nga agpababa. Ti Endoclita malabaricus ket manganda pay kadagiti Casuarina. Ti noctuid Burbur ti nabo ket nakitkita pay a mangmangan iti Casuarina.
Dagiti Pendunculagin, casuarictin, strictinin, casuarinin ken casuariin ket dagiti ellagitannins a mabirukan kadagiti sebbangan iti kaunegan ti henero.[6]
- ^ Biddut ti dakamat: Imbalido nga etiketa ti
<ref>; awan ti teksto a naited para kadagiti ref a nanaganan tiapni - ^ a b Biddut ti dakamat: Imbalido nga etiketa ti
<ref>; awan ti teksto a naited para kadagiti ref a nanaganan til - ^ a b Flora ti Australia: Casuarina Naiyarkibo 2012-10-24 iti Wayback Machine
- ^ Huxley, A., ed. (1992). New RHS Dictionary of Gardening. Macmillan Publishers. ISBN 0-333-47494-5.
- ^ Quattrocchi, Umberto (2000). CRC World Dictionary of Plant Names. Vol. I. CRC Press. p. 456. ISBN 978-0-8493-2675-2.
- ^ Okuda, T.; T. Yoshida, M. Ashida and K. Yazaki (1983). "Tannins of Casuarina and Stachyurus species. I: Structures of pendunculagin, casuarictin, strictinin, casuarinin, casuariin, and stachyurin". Journal of the Chemical Society (8): 1765–1772.