Back مقاطعات اليابان Arabic Districtes del Japó Catalan Distrikter i Japan Danish Gun (Japan) German Districts of Japan English Distriktoj de Japanio Esperanto Distritos de Japón Spanish شهرستانهای ژاپن Persian District (Japon) French Distrik (Jepang) ID
| Dagiti administratibo a subdibision ti Hapon |
|---|
| Prepektural |
| Prepektura |
| Sub-prepektural |
| Munisipal |
| Sub-munisipal |
Ti distrito (郡, gun) ket nausar idi a kas maysa nga administratibo a yunit iti Hapon idi baetan ti 1878 ken 1921 ken agarup idi a kapada ti kondado iti Estados Unidos, ti panangiranggo iti agpang dita baba ti prepektura ken iti ngato ti siudad, ili wenno purok.[1] Manipud idi 2008, dagiti siudad ket dagus a tagikua dagiti prepektura ken nawayada manipud kadagiti distrito. Idiay Hapon, dagiti ili ken dagiti purok ket tagikua dagiti distrito ken dagiti distrito ket agtagikua iti bassit wenno awan nga administratibo a turay. Dagiti distrito ket naipangpangruna a naus-usar iti sistema ti adres ti Hapon ken tapno mainaganan dagiti maitutop a heograpikal a lugar ken dagiti urnong dagiti asideg nga ili ken dagiti purok.
Ti distrito ket immun-una a tinawtawagan iti kōri ken addaan kadagiti taga-ugna a tinaudan idiay Hapon. Urayno kuna ti Nihon Shoki a nabangonda idi las-ud dagiti Reporma ti Taika, ti kōri ket kasisigud idi a naisurat iti 評.[2] Saan nga aginggana idi ti Kodigo ti Taihō a ti kōri ket naisuraten iti 郡. Babaen ti Kodigo ti Taihō, ti administratibo a yunit ti probinsia (国, kuni) ket adda idi iti ngato ti distrito, ken ti purok (里 wenno 郷 sato) ket iti baba.
- ^ Japan Counties
- ^ Masashi Kinoshita 木下 正史 (2003). Fujiwara-kyō 藤原京 (iti Hapon). Chūō Kōronsha. p. 64. Ti pannakaduktal dagiti rinibu a tarikayo a tableta timokkan iti naikali a pagsammakedan iti likmut ti taga-ugma a kapitolio ti Fujiwara-kyō ket nangpasingked ti teoria a ti kōri ket kasisigud idi a naisurat iti karakter ti 評, ken saan nga iti karakter ti 郡 nga agparang iti Nihon Shoki.