Back Kitanglad Mountain Range CEB زنجیرەچیای کیتانگلاد CKB Mount Kitanglad Range Natural Park German Kitanglad Mountain Range English Cordillera de Kitanglad Spanish Ciadëina de Kitanglad LLD Kitangladgebergte Dutch Cordilheira Kitanglad Portuguese
| Kabambantayan ti Kitanglad | |
|---|---|
 Ti tengnga a paset ti Kabambantayan ti Kitanglad nga ayan dagiti kangatuan a pantok, Bantay Dulang-dulang ken Bantay Kitanglad | |
| Kangatuan a punto | |
| Pantok | Bantay Dulang-dulang |
| Kangato | 2,938 metro (9,639 ft) |
| Heograpia | |
| Pagilian | Filipinas |
| Estado/Probinsia | Amianan a Mindanao |
| Distrito | Bukidnon |
| Pagtaengan | Siudad ti Malaybalay |
| Nagsasabtan | 8°08′N 124°55′E / 8.133°N 124.917°ENagsasabtan: 8°08′N 124°55′E / 8.133°N 124.917°E |
T Kabambantayan ti Kitanglad ket ti kabambantayan a mangturay ti paset ti akin-amianan a tengnga ti probinsia ti Bukidnon. Daytoy ket sakupenna dagiti paset ti walo nga ili ken siudad ti probinsia ti Talakag, Baungon, Libona, Manolo Fortich, Impasug-ong, Lantapan ken Siudad ti Malaybalay. Ti kabambantayan ket maysa kadagiti bassiten a nabatbati a katuduan a bakir idiay Filipinas, daytoy ket pagtaengan dagiti kangrunaan ken nadumaduma a sebbangan ti manmano ken endemiko a kaatapan a kas ti Agila ti Filipinas. Lima kadagiti pantokna ket natayagda: ti Bantay Dulang-dulang, ti katayagan iti 2,938 metro; Bantay Kitanglad iti 2,899 metro; Bantay Maagnaw iti 2,742 metro; Bantay Lumuluyaw iti 2,612 metro; ken Bantay Tuminungan iti 2,400 metro.[1]
Ti nagan a "kitanglad" ket naala idi manipud iti sarita ti nalatak a layus a nangilenned dagiti patneng a daga ti Bukidnon ken ti laeng ungto ti bantay, ti kadakkel iti "tanglad" (baraniw iti Ilokano), ti nabati a nakitkita.
Ti sibubukel a kabambantayan ket nairangarang idi a nailian a parke babaen ti Proklamasion ti Presidente Blng. 677 idi Disiembre 4, 1990 nga ammo a kas ti Masna a Parke ti Kabambantayan ti Kitanglad. Idi 1994, daytoy ket napili a kas maysa kadagiti 10 a prioridad a sitio babaen ti Banko ti Lubong babaen ti Gandat ti Panagay-aywan iti Prioridad a Nasalakniban a Luglugar. Ti Bantay Kitanglad ken dagiti kaarrubayanna a lugar ket nairangarang idi a nasalakniban a lugar babaen ti kategoria ti masna a parke babaen ti Proklamasion ti Presidente 896 a napetsaan idi Oktubre 24, 1996. Idi Nobiembre 9, 2000, ti parke ket kanungpalanen a nagbalin a napno a nasalakniban a lugar idi pinasingkedan ti Kongreso ti R.A. 8978 nga ammo pay ti Tignay ti Nasalakniban a Lugar ti Kabambantayan ti Kitanglad ti 2000.[2]
- ^ "Masna a Parke ti Kabambantayan ti Kitanglad". MKRNP.org. Departamento ti Enbironmento ken dagiti Masna a Rekurso. Naiyarkibo manipud iti kasisigud idi 2013-12-26. Naala idi 8 Oktubre 2013.
- ^ "AN ACT DECLARING THE MT. KITANGLAD RANGE IN THE PROVINCE OF BUKIDNON AS A PROTECTED AREA AND ITS PERIPHERAL AREAS AS BUFFER ZONES, PROVIDING FOR ITS MANAGEMENT AND FOR OTHER PURPOSES" (PDF). Kongreso iti Filipinas. Naiyarkibo manipud iti kasisigud (PDF) idi 2015-09-23. Naala idi 8 Oktubre 2013.