Back ماكاتي Arabic ماكاتى ARZ Makati BCL Макати Bulgarian Makati CBK-ZAM Makati CEB Makati Czech Makati German Μακάτι Greek Makati English
| |
| Pakasarakan | |
 | |
| Gobierno | |
| Rehion: | Nailian a Capitolio a Rehion (National Capital Region) (NCR) |
| Probinsia: | |
| Distrito: | Umuna ken maika-2 a distrito ti Siudad ti Makati |
| Barbaranggay: | 33 |
| Matgedan: | Primera klase |
| Alkalde: | Jejomar Erwin S. Binay, Jr. |
| Panag-siudad: | Enero 2, 1995 |
| Pisikal a pakabigbigan | |
| Kalawa: | 27.3 km² |
| Populasion:
Dagup Densidad: |
444,867 16,260/km² |
| Nagsasabtan: | 14°33′N 121°2′E / 14.550°N 121.033°E |
Ti Siudad ti Makati ket maysa kadagiti kaimportantean a siudad iti Filipinas iti pakaseknan a pinasia ken komersio. Masarakan iti daya ti Manila, ti Makati ket maysa kadagiti siudad ken il-ili a mangbukel iti Nailian a Kapitolio a Rehion wenno National Capital Region (NCR). Am-ammo ti Makati kas "Finansial a Capitolio ti Filipinas" maigapu iti kaadda iti siudad dagiti opisina ken kuartel ti adu a dadakkel a kompania ken negosio iti pagilian. Iti met laeng Makati ti ayan ti mabigbig a Makati Business Club ken ti Philippine Stock Exchange. Ti Ayala Avenue, a nanglasat iti katengngaan ti Sentral a Distrito ti Negosio iti Makati, ket maaw-awagan pay iti Wall Street ti Filipinas.
Naggapu ti "Makati" iti Tagalog a balikas a kati, a kayatna a sawen ket atab. Mainaig daytoy iti panagngato ken panagbaba ti atab iti Karayan Pasig iti umamianan a beddeng ti siudad.
Adda ti Makati iti ikub ti kuadranggulo ti 12′011″ °amianan ken 14′331″ °E iti mismo a tengnga ti Metro Manila. Kabeddengna iti amianan ti Karayan Pasig iti las-ud ket ti Siudad ti Mandaluyong , iti amianan-a-daya ti Siudad ti Pasig, iti abagatan-a-daya ti ili ti Pateros ken ti Siudad ti Taguig, iti amianan-a-laud ti Siudad ti Manila, ken iti abagatan-a-laud ti Siudad ti Pasay.
Iti katengngaan ti siudad ket ti Sentral a Distrito ti Negosio wenno Central Business District (CBD) a nakabangonan dagiti dadakkel ken natatayag a pasdek ti ofisina ken kuartel dagiti dadakkel a kompania a nasional ken internasional.
Dua kadagiti kangrunaan a kalsada iti Metro Manila ti lumasat iti Makati: ti Abenida Epifanio De los Santos (EDSA) a lumabas iti abagatan-a-daya a paset ti Makati ken mangisilpo iti siudad kadagiti siudad ti Mandaluyong ken Pasay; ken ti South Luzon Expressway (SLEX) a lumasat iti akin-laud a paset ti makati ken mangisilpo iti siudad iti Manila iti amianan ken iti akin-abagatan a Metro Manila
Dadduma pay a kangrunaan a kalkalsada iti Makati ket ti Buendia Avenue a maaw-awagan pay iti Abenida Senador Gil Puyat, a mamagkamang iti EDSA ken SLEX iti amianan; ti Ayala Avenue a maysa nga importante a kalsada a lumasat iti Central Business District; ken ti Makati Avenue a mamagkamang iti Abenida Ayala ken ti Abenida Buendia.
Adu kadagiti kababaknangan a familia iti Filipinas ket agnanaed kadagiti ekslusibo a naedan a lugar iti Makati kas iti Parke ti Forbes, Dasmariñas Village, Urdaneta Village, San Antonio Village, San Lorenzo Village, Bel-Air, ken Magallanes Village; ti dadduma ket agnanaed kadagiti condominium ken apartment iti Central Business District, iti Salcedo Village ken Legaspi Village.
Dagiti met kaaduanna a marigrigat a lumugar iti siudad ket agnanaedda kadagiti ig-igid ti siudad, nangruna kadagiti akindaya a paspaset ti siudad kas iti Rizal, East kend West Rembo, Pembo, Comembo, Cembo, South Cembo, ken Pitogo.