Back مارسيلا أغانسيو Arabic Marcela Agoncillo English Marcela Agoncillo Spanish Marcela Agoncillo French Մարսելա Ագոնսիլո Armenian Marcela Agoncillo Dutch Marcela Agoncillo Polish Marcela Agoncillo Portuguese Агонсильо, Марсела Russian Marcela Agoncillo Tagalog
| Doña Marcela Mariño Agoncillo | |
|---|---|
 | |
| Nayanak | Marcela Coronel Mariño Hunio 24, 1859 Taal, Batangas, Kapitania Heneral ti Filipinas |
| Natay | Mayo 30, 1946 (tawen 86) Manila, Mankomunidad ti Filipinas |
| Naginanaan | Kamposanto ti La Loma |
| Pakipagilian | Filipino |
| Nagnagan | Marcela, Lola Celay |
| Nakaam-ammuan | Ti legadona a kas Ina ti Wagayway ti Filipinas ken ti nangruna a nagdait iti immuna nga opisial a wagayway ti Filipinas |
| A(s)sawa | Don Felipe Encarnacion Agoncillo |
| Annak | 6 (mairaman ni Lorenza Agoncillo) |
Ni Doña Marcela Mariño Agoncillo (Mariño y Coronel; Hunio 24, 1859 – Mayo 30, 1946)[1][2][3] ket maysa idi a Filipina a mabigbig a kas ti kangrunaan a nagdait iti immuna ken opisial a wagayway ti Filipinas,[4] a nakagun-odanna ti titulo "Ti Ina ti Wagayway ti Filipinas."
Ni Marcela Coronel Mariño ket naka idi a babai da Don Francisco Diokno Mariño ken Doña Eugenia Coronel Mariño, ti maysa a nabaknang a pamilia iti ilina a Taal, Batangas. Nalpas ti panagadalna iti Kolehio Santa Catalina, nakagun-od iti panagadal ni Marcela iti musika ken dagiti paglaingan a maipapan iti babbai. Iti tawen ti 30, inasawa ni Marcela Coronel Mariño ni Felipe Encarnacion Agoncillo, ti maysa nga abogado a Filipino, ken maysa a hurista, ken natubuan kadagiti innem nga annak. Ti pannakiasawana ket nakaiturongan ti maysa a nangruna a papel iti pakasaritaan ti Filipinas. Idi naeksilo ti asawana idiay Hong Kong idi las-ud ti rugi ti Yaalsa ti Filipino, ni Marcela Mariño Agoncillo ken ti amin a kameng ti pamiliana ket kimmadua kaniana ken temporario a nagtaeng idiay tapno maliklikan dagiti kontra-Filipino a panagbusbusor ti simmakup nga Espania. Bayat nga adda idiay Hong Kong, nagkiddaw ni Heneral Emilio Aguinaldo kaniana nga agdait iti wagayway a mangipresenta ti Republika ti Filipinas. Ni Doña Marcela Mariño de Agoncillo, a kakuyogna ti kabaketan nga anakna a ni Lorenza ken ti maysa a gayyemna a ni Delfina Herbosa de Natividad, ti kaanakan a babai ni Dr. Jose Rizal, dinaitda iti ima ti wagayway segun ti desinio ni Heneral Emilio Aguinaldo a kamaudian a nagbalin a ti opisial a wagayway ti Republika ti Filipinas.
Bayat a ti wagayway ket ti agnanayon a legado ni Doña Marcela Mariño de Agoncillo, nailaglagipan isuna kadagiti museo ken dagiti monumento: kas ti pangmarka idiay Hong Kong (nga idiay ti temporario a nagtaengan ti pamiliana), iti kapuonan balayna iti Taal, Batangas a naaramiden a kas maysa a museo,[5] kadagiti pinintaan babaen dagiti nadayeg a pintor ken kadagiti pay sabali a makita nga arte.
- ^ "Miriam College Library". Mc.edu.ph. Naiyarkibo manipud iti kasisigud idi 6 Mayo 2006. Naiyarkibo 2006-05-06 iti Wayback Machine
- ^ Mercado, Monina A. (1977), Profiles in Achievement, Philippine Appliance Corp., p. 58, naala idi 29 Nobiembre 2007
- ^ Zaide, Gregorio F. (1968), The Philippine Revolution, Modern Book Company, pp. 194–195
- ^ The Philippine Revolution, Sunday Times Magazine, 1969, p. 15, naala idi 29 Nobiembre 2007
- ^ Culture Dept. of Education, and Sports, Philippines (1989), Duyan Ng Magiting: The Folk Culture of the Southern Tagalog Region, Dept. of Education, Culture, and Sports, Republic of the Philippines, p. 180, ISBN 978-971-10-1241-0, naala idi 28 Nobiembre 2007