Back Сервантес, Мигель де Abkhazian Miguel de Cervantes Afrikaans Miguel de Cervantes ALS ሚጌል ዴ ሴርቫንቴስ Amharic Miguel de Cervantes AN ميغيل دي ثيربانتس Arabic ܡܝܓܝܠ ܕܝܗ ܬܪܒܐܢܛܣ ARC ميݣيل دي سيرڤانطيس ARY ميجيل دى ثيرڤانتس ARZ Miguel de Cervantes AST
| Miguel de Cervantes | |
|---|---|
 Ni Miguel de Cervantes | |
| Dagiti salaysay | |
| Nayanak | 29 Septiembre 1547 Alcalá de Henares, Kastila |
| Natay | 22 Abril 1616 (tawen 68) Madrid, Kastila |
| Trabaho | Nobelista, mannaniw, dramaturgo, soldado |
| Pagsasao | Espaniol |
| Pakipagilian | Espaniol |
| Kangrunaan nga ob-obra | Don Quixote Viaje al Parnaso La Galatea |
| Pirma |  |
Ni Miguel de Cervantes Saavedra[b] (Espaniol: [miˈɣel de θerˈβantes saaˈβeðɾa]; 29 Septiembre 1547 – 22 Abril 1616)[1] ket maysa idi nga Espaniol a nobelista, mannaniw, ken dramaturgo. Ti bukodna a magnum opus, Don Quixote, ket naipampanunotan nga isu dagitoy ti immuna a moderno a Europeano a nobela,[2] ket maysa a klasiko ti Akinlaud a literatura, ken naipampanunotan kadagiti kasayaatan nga obra ti piksion a naisurat ti amin a panawen.[3] Ti impluenisana iti pagsasao nga Espaniol ket kaaduan a nalatak idi a ti pagsasao ket sagpaminsan a makunkuna a ti la lengua de Cervantes ("ti pagsasao ni Cervantes").[4] Isu ket nabirngasana kas ti El Príncipe de los Ingenios ("Ti Prinsipe ti Saririt").[5]
Idi 1569, immalis ni Cervantes idiay Roma, nga idiay ket nagserbi a kas maysa a babaonen ni Giulio Acquaviva, ti maysa a nabaknang a padi a naipangato iti kardinal ti simmakbay a tawen. Babaen idin, ni Cervantes ket nagenlistado a kas maysa a soldado ti Marina nga inpanteria ti Espania a rehimento ken nagtultuloy ti biagna ti militar aginggana idi 1575, idi natiliw isuna babaen dagiti Arheliano a korsario. Kalpasan ti lima a tawen iti panagtagtagabu isu ket winayaan dagiti nakatiliw kanianan babaen ti pangsaka manipud iti nagannak kaniana ken dagiti Trinitario, ti maysa a Katoliko nga urnos ti relihion. Isu ket dimteng a nagsubli met laeng iti pamiliana idiay Madrid.
Idi 1585, nangipablaak ni Cervantes iti maysa a pastoral a nobela a nanaganan ti La Galatea. Gapu kadagiti pinansia a parikut, ni Cervantes ket nagtrabrabaho a kas maysa a probedor para iti Espaniol nga Armada, ken kalpasan daytoy a kas maysa nga agsingsingir ti buis. Idi 1597, dagiti madi a pakabilanganna ti tallo a tawen ket nakaipan kaniana idiay Balangat a Pagbaludan ti Seville. Idi 1605, isu ket nagnaed idiay Valladolid, idi kalpasan ti panagballigi ti immuna a paset tiDon Quixote, a naipablaak idiay Madrid, daytoy ket nangisenial ti panagsublina ti literario a lubong. Idi 1607, isu ket nagtaeng idiay Madrid, nga idiay ket nagtaeng ken nagtrabtrabaho aginggana idi pimmusay. Idi laus-ud ti siam a tawen ti kabibiagna, ni Cervantes ket nangikeddeng ti pammadayawna a kas maysa a mannurat; isu ket nangipablaak ti Novelas ejemplares (Dagiti nasayaat a nobela) idi 1613, ti Panagbaniaga idiay Parnassus (Viaje al Parnaso) idi 1614, ken idi 1615, ti Ocho comedias y ocho entremeses ken ti maikadua a paset ti Don Quixote. Ni Carlos Fuentes ket nangilaglagip a , "ni Cervantes ket nangiluklukat kadagiti panid ti maysa a libro a ti maysa nga agbasbasa ket agipagpagarup nga isu ti naisursurat".[6]
- ^ Canavaggio, Jean (2011). "Miguel de Cervantes Saavedra – Autor Biografía". Biblioteca Virtual Miguel de Cervantes (iti Espaniol). Naiyarkibo manipud iti kasisigud idi 2011-04-11. Naala idi 7 Abril 2011.
- ^ "Harold Bloom on Don Quixote, the First Modern Novel" [Harold Bloom iti Don Quixote, ti Immuna a Moderno a Nobela] (iti Ingles). The Guardian. 12 Disiembre 2003. Naala idi 2009-07-18.
- ^ "Don Quixote Gets Authors' Votes" [Nakaala Kadagiti Butos ti Mannurat ti Don Quixote]. BBC News (iti Ingles). 7 Mayo 2002. Naala idi 3 Enero 2010.
- ^ "La lengua de Cervantes" (PDF). Revista de estudios políticos (iti Espaniol). 31–32: 261–272. 1947. Naiyarkibo manipud iti kasisigud (PDF) idi 2008-10-30. Naala idi 2008-08-24.
- ^ "Publicaciones > BEC". Centro de Estudios Cervantinos (iti Espaniol). Naiyarkibo manipud iti kasisigud idi 2012-02-03. Naala idi 2012-02-03.
- ^ Fuentes, Carlos (1988). Siak ken Dagiti Dadduma: Napilpili a Salaysay?.