Pagsasao a Taiap

Ti pagsasao a Taiap (tinawtawagn pay iti Gapun, manipud iti purok a nakaisasauannan) ket ti maysa a naisagmak nga isolado a pagsasao nga insasao babaen dagiti garup a sangagasut a tattao idiay Probinsia ti Daya a Sepik ti Papua Baro a Guinea. Daytoy ket masuksukatanen babaen ti nailian apagsasao ken lingua franca a Tok Pisin.

Ti immuna nga Europeano a nakaduktal iti Taiap ket ti Aleman a misionario idi 1938. Ti pagsasao ket saan nga inad-adal babaen dagiti lingguista aginggana kadagiti tawen idi 1970 gapu ti karigat a pannakaserrek iti rehion. Uray no inkabil ni Donald Laycock (1973) ti Taiap iti bukodna a pamilia ti pagsasao a Sepik Ramu, ti estrukturana ken bokabulario ket naisangayan para iti dayta a pamilia, ken saan a nakabiruk ni Ross (2005) iti ebidensia a dayta ket kabagian iti ania man a pagsasao ti Baro a Guinea. Ti agdama a sumakup ti Taiap ket gangani a maitunos iti maysa idi nga adda iti baybay nga isla kadagiti napalabas a 6000 a tawen (map Naiyarkibo 2004-08-21 iti Wayback Machine), ken konsistente iti kapanunotan a ti Taiap ket isolado a pagsasao.