Pagsasao nga Isirawa

Ti pagsasao nga Isirawa ket ti pagsasao a Papuano nga insasao babaen dagiti agarup a dua ribo a tattao iti amianan nga aplaya ti probinsia ti Papua , Indonesia. Daytoy ket lokal a pagsasao ti panagtagilako, ken adu ti mangus-usar daytoy. Insilpo ni Stephen Wurm (1975) daytoy iti sasao a Kwerba iti kaunegan ti pamilia a Trans–Baro a Guinea , ken makibinningay iti agarup a 20% iti bokabulariona iti kaarruba a sasao a Kwerba. Nupay kasta, iti pannakaibatay kadagiti pangsandina, narikrikna ni Malcolm Ross (2005) a sanna a mapasingkedan ti kasta a silpo, ken inbatina a kas isolado a pagsasao. Nupay kasta, dagiti pangsandi ket saanda a maipada kadagiti Orya–Tor, nga insilpo ni Ross iti Kwerba, ken inawat ni Donahue (2002) a kas pagsasao a Kalatakan a Kwerba.