Pagsasao a Kongo

Kongo
Kikongo
Patubo iti	Angola, Demokratiko a Republika ti Kongo, Republika ti Kongo
Patubo a mangisasao	(ca. 6.5 a riwriw ti nadakamat idi 1982–2012)[1] 5 a riwriw dagiti L2 nga agsasao
Pamilia	Niger–Kongo? Atlantiko–Kongo Benue–Kongo Abagatan a Bantoid Bantu (Sona H) Sassao a Kongo (H.10) Kongo
Opisial a kasasaad
Opisial a mangisasao	Angola  Demokratiko a Republika ti Kongo  Republika ti Kongo
Kodkodigo ti pagsasao
ISO 639-1	kg
ISO 639-2	kon
ISO 639-3	kon – inklusibo a kodigo Agmaymaysa a kodkodigo: kng – Koongo ldi – Laari kwy – San Salvador Kongo (Abagatan) yom – Yombe
Kodigo ti Guthrie	H.14–16[2]

Ti pagsasao a Kongo, wenno Kikongo, ket ti pagsasao a Bantu nga insasao babaen ti tattao a Bakongo ken Bandundu nga agtataeng kadagiti tropikal a kabakiran ti Demokratiko a Republika ti Kongo, ti Republika ti Kongo ken Angola. Daytoy ket ayug a pagsasao ken mangporma iti batayan para iti Kituba, ti Bantu a kreol ken lingua franca iti amin a kaaduan ti laud a tengnga ti Aprika. Daytoy ket insasao idi baen kadagiti adu a naal-ala manipud iti rehion ket nailaklako a a kas aadipen idiay Kaamerikaan. Para iti daytoy a rason, bayat a ti Kongo ket naisasao pay laeng kadagiti naibagbaga dita ngato a pagilian, dagiti na-kreol a porma ti pagsasao ket mabirukan kadagiti rito a bitla kadagiti relihion a naibatay ti Aprika idiay Brasil, Hamaika, Kuba, Republika a Dominikano, ken naipangpangruna idiay Haiti. Daytoy ket maysa pay kadagiti taudan ti pagsasao ti Gullah a tattao ken ti Palenquero a kreol idiay Colombia. Ti kaaduan kadagiti agdama nga aldaw nga agsasao ket agtataeng idiay Aprika. Adda dagiti agarup a pito a riwriw nga agsasao iti Kongo, a mabalin nga adda met dagiti dua a riwriw a mangus-usar a kas maikadua a pagsasao. Daytoy ket batayan pay ti kreol a kaaduan a maus-usar idiay rehion ti: Kituba a tinawtawagan pay ti Kikongo de L'état wenno Kikongo ya Leta ("Kongo iti estado" iti Pranses wenno Kongo), Kituba ken Monokituba (ken ti pay Munukituba). Ti batay-linteg ti Republika ti Kongo ket us-usarenna ti nagan a Kitubà, ken ti Demokratiko a Republika ti Kongo ket us-usarenna ti termino iti Kikongo, urayno ti Kituba ket inus-usar ti administrasion.