Sasao a Jahaiko

Ti sasao a Jahaiko (tinawtawagan pay iti Semang ken Amianan nga Asliano) ket dagiti grupo ti sasao nga Asliano nga insasao babaen dagiti agarup a 5,000 a tattao kadagiti akin-uneg a daga ti Malaysia Peninsular, nga agraman kadagiti bassit a lugar iti aki-abagatan a Tailandia. Ti kaaduan iti pannakaiduma iti grupo ket ti Chewong, a naisasao iti abagatan ti Semai. Dagiti sabali a pagsasao a mailaksid manipud iti Tonga ket mabalin a mabingay kadagiti dua a dibision:

• Chewong
• Maitutop a Jahaiko
  • Akindaya
    • Batek (Batek Dèq ken Batek Nong), Mintil (Batek Tanɨm)
    • Jehai (Jahai), Minriq (Menriq)
  • Akinlaud: Kintaq, Kensiu (Maniq)

(di naidasig) Tonga (Mos, Maniq)

Ti nagan a Maniq (Məniʔ, Maniʔ) ket mabalin a mangibaga iti Kensiu wenno Tonga, isuda a dua ket agnagan iti Mos.

Adda dagiti awanen a sasao nga Asliano , a kas ti Wila' (tinawtawagan pay iti Bila' wenno Akibaba a daga a Semang), a nairehistro idia a naisasao idiay aplaya ti Probinsia ti Wellesley iti bangir ti Penang idi nasapa a maika-19 a siglo. Ti sabali pay nga awanen a pagsasao ket ti Ple-Temer, a naisasao idi idiay asideg ti Gerik iti akin-amianan a Perak (Benjamin 2011).