Back Ruja ACE Soematra Afrikaans Sumatra ALS ሱማትራ Amharic Sumatra AN سومطرة Arabic سومطره ARZ Sumatra AST Sumatra Azerbaijani سوماترا AZB
 Topograpia ti Sumatra | |
 | |
| Heograpia | |
|---|---|
| Lokasion | Abagatan a daya nga Asia |
| Nagsasabtan | 00°N 102°E / 0°N 102°ENagsasabtan: 00°N 102°E / 0°N 102°E |
| Purpuro | Is-isla Kalatakan a Sunda |
| Kalawa | 473,481 km2 (182,812 sq mi) |
| Ranggo ti kalawa | Maika-6 |
| Kangatuan nga elebasion | 3,805 m (12484 ft) |
| Kangatuan a punto | Kerinci |
| Administrasion | |
Indonesia | |
| Dagiti probinsia | Aceh, Bengkulu, Jambi, Lampung, Riau, Laud a Sumatra, Abagatan a Sumatra, Amianan a Sumatra |
| Demograpia | |
| Densidad ti populasion | 104.74/km2 (271.28/sq mi) |
| Grupgrupo ti etniko | Acehnes, Batak, Minangkabau, Malay, Tionghoa |
Ti Sumatra (Indones: Sumatera) ket ti maysa nga isla idiay akinlaud nga Indonesia ken parte daytoy ti Is-isla Sunda. Daytoy ti kadakkelan nga isla iti intero nga Indonesia (dua a dakdakkel nga is-isla, ti Borneo ken Baro a Guinea, ket nagbingayan a pagbaetan ti Indonesia ken dagiti dadduma pagilian) ken ti maikanem a kadakkelan nga isla iti lubong iti 473,481 km2 (mairaman dagiti kaariping nga isla a kas ti Is-isla Riau ken Is-isla Bangga Belitung).
Ti Sumatra ket ti maysa nga immatiddog a masa ti daga a sumakop iti diagonal a pagtayyekan iti amianan a laud-abagatan a daya. Ti Taaw Indiano ket pagbeddenganna iti laud, amianan a laud, ken abagatan a laud a bangbangir iti Sumatra ken ti kawar ti isla ti Simeulue, Nias ken Mentawai ket mangbeddeng iti abagatan a laud nga aplaya. Iti amianan a daya a bangir ket ti akikid a Lingsat ti Malacca a mangisina iti isla manipud iti Peninsula Malaya, ti maysa a pagpaatiddog ti Eurosiano a kontinente. Iti abagatan a daya ket ti akikid a Lingsat Sunda a mangisina iti Sumatra manipud iti Java. Ti akin-amianan nga ungto ti Sumatra ket pagbeddengan ti Is-isla Andaman, bayat nga iti akinbaba nga akindaya a bangir ket dagiti isla ti Bangka ken Belitung, ti Lingsat Karimata ken ti Baybay Java. Ti banbantay ti Bukit Barisan ket aglaon kadagiti aktibo a bulkan a mangporma iti duri ti isla, bayat a dagiti amianan a daya bangir ket dagiti ababa a dagdaga ken dagiti kalugnakan, parakad ken dagiti kompleks a sistema ti karayan. Ballasiwen ti ekuador ti isla iti tengngana dagiti probinsia ti Laud a Sumatra ken Riau. Ti klima ti isla ket tropikal, napudot ken nadam-eg ken addaan kadagiti napusek a tropikal a katuduan a bakir ken isu ti kaaduan a langa ti daga.