Back Belo Horizonte Afrikaans በሎሪዞንቺ Amharic Belo Horizonte AN بيلو هوريزونتي Arabic بيلو هوريزونتى ARZ Belo Horizonte AST Belu-Orizonti Azerbaijani Bélo Horizonté BAN Белу-Арызонты Byelorussian Бэлу-Арызонці BE-X-OLD
| Belo Horizonte | ||
| ||
| Kelk imaji pri Belo Horizonte. | ||
|
| |
| Standardo | Blazono | |
| Lando: |  Brazilia
| |
| Regiono: | Sud-estala | |
| Stato: | Minas Gerais | |
Informo:
| ||
| Fondita ye: | 12ma di decembro 1897 | |
| Latitudo: | 19°55' S | |
| Longitudo: | 43°56' W | |
| Altitudo: | 852 m | |
| Surfaco: | 331 km² | |
| Habitanti: | 2 315 560[1] (2022) | |
| Denseso di habitantaro: | 6988,2 hab./km² | |
| Disto de Brasilia: | 716 km | |
| Horala zono: | UTC-3 | |
| Urbestro: | Fuad Noman (PSD, 2025-2028)[2] | |
Mapo:
| ||
| ||
Oficala retosituo:
| ||
| www.pbh.mg.gov.br | ||
.jpg)
Belo Horizonte ("bela horizonto") esas la chef-urbo dil stato Minas Gerais, en Brazilia. Ol esas la 6ma maxim populoza urbo di la lando, e la 13ma maxim populoza de Sud-Amerika. Segun la demografiala kontado di 2022, ol havas 2 315 560 habitanti[1]. Lua tota surfaco esas 331 km². Lua metropolala regiono konsistas ek 34 urbi, ube rezidas cirkume 5 milion personi.
L'urbo esas komplete cirkondata da monti. Existas diversa granda parki proxim ol. La parko Mangabeiras, 6 km sud-este de la centro dil urbo kovras 2,35 km², di qui 0,9 km² konsistas ek nativa foresti.
Komerco, servado ed industrio esas importanta ekonomial agadi. Belo Horizonte judikesas kom un ek la 10 maxim bona urbi de Latin-Amerika por entraprezal agadi. Ol havas monumenti, parki e muzei qui atraktas turisti. Un ek lua precipua muzei esas l'Arto-Muzeo di Pampulha (Museu de Arte da Pampulha) qua gastigas nuntempa maestroverki pri skulto e pikto. L'urbo anke havas diversa moderna hoteli e povas recevar turisti qui deziras vizitar la historiala urbi di Minas Gerais (Ouro Preto, Mariana, Sabará, Congonhas do Campo, Tiradentes) o la kaverni Lapinha, Rei do Mato e Maquiné, en 1-dia turo.
Belo Horizonte anke esas sideyo di la Federala Universitato di Minas Gerais (UFMG), un ek la maxim importanta publika universitati di Brazilia. Altra du importanta universitati esas la Universitato dil Stato Minas Gerais (UEMG, publika), e la Pontifikala Katolika Universitato di Minas Gerais (PUC, privata).
Belo Horizonte esis un ek la urbi qui gastigis futbalo-partii dum la Mondala Kupo di Futbalo di 1950, ed itere dum la Mondala Kupo di Futbalo 2014. La partii en Belo Horizonte eventis en la stadio Mineirão.
- ↑ 1,0 1,1 Brasil tem 203 milhões de habitantes, aponta Censo; domicílios crescem mais - Publikigita da UOL. Dato di publikigo: 28ma di junio 2023. Idiomo: Portugalana.
- ↑ Fuad Noman toma posse como prefeito de Belo Horizonte - Publikigita da G1. Dato di publikigo: 1ma di januaro 2025. Idiomo: Portugalana.