Latinida linguo

Latinida lingui
Geografiala distributado:	Eurazia, Afrika, Amerika e Oceania
Nombro di parolanti:	1 000 milioni
Subdividuro:	Ibero-Latinida linguaro Ocitano-Latinida linguaro Galo-Italiana linguaro Galo-Latinida linguaro Ocitano-Latinida linguaro Galo-Latinida linguaro Reto-Latinida linguaro Balkano-Latinida linguaro Sardiniana linguaro
Kodexi
ISO 639-2	roa
ISO 639-3	roa
Loki ube Latinida lingui parolesas.  Franca   Hispana   Italiana   Portugalana   Rumana
Videz anke: Linguaro

Latinida lingui esas omna lingui qui originis de la Latina linguo vulgare parolita en regioni dil anciena Romana imperio qui ne konquestesis dal Mohamedani – exemple, nordal Afrika –, kontraste kun klasika e literaturala Latina. Latina esis un ek tale nomizita Italika linguaro, qua ank esas fako di Indo-Europana linguaro. La fako qua studias Latinida lingui esas Latinida filologio. Ca lingui parolesas en teritorio konocata kom Romania, qua nun okupas precipue sudal e westal Europa, ma anke Rumania.

Ca lingui evolucionis de la Latina linguo inter la 6ma e la 9ma yarcenti. Nun li havas plu kam 1 miliardo di nativa parolanti, nome en Europa ed Amerika, ed anke havas granda nombro di ne-nativa parolanti e granda uzo kom helpolingui. Pro la desfacileso pri distingar inter linguo e dialekto, l'exakta nombro di Latinida lingui nun parolata esas nekonocata, ma ordinara kontado mencionas 25 (tamen l'exakta nombro esas plu granda).

La kin precipua Latinida lingui segun quanto di parolanti esas: Hispana (plu kam 500 milioni), Portugalana (plu kam 240 milioni), Franca (plu kam 74 milioni), Italiana (59 milioni) e Rumana (24 milioni). Multa ek ca lingui havas multa ne-nativa parolanti, nome la Franca, tre uzata en Ocidental Afrika.

Artikli remplasas deklini.

Latinida lingui evolucionis de la Latina. Pos la falio di Romana imperio, la Latina parolita en vasta teritorii di Europa recevis diferanta influi dum olua evoluciono en diferanta regioni, qui originis moderna lingui, exemple Hispana od Italiana.