Lima

Lima
Kelk imaji pri Lima.
Standardo	Blazono
Lando:	Peru
Informo:
Fondita ye:	18ma di januaro 1535
Fondita da:	Francisco Pizarro
Latitudo:	12°02'06" S
Longitudo:	77°01'07" W
Altitudo:	154 m
Surfaco:	2672 km²
Habitanti:	10 092 000[1] (2023)
Denseso di habitantaro:	3620,4 hab./km²
Horala zono:	UTC-5
Urbestro:	Rafael López Aliaga (Renovación Popular, 2023-2026)
Mapo:
Oficala retosituo:
www.munlima.gob.pe

Lima esas chef-urbo e maxim populoza urbo di Peru e la 2ma maxim populoza urbo di Sud-Amerika, dop Sao Paulo. Segun statistiki de 2023, ol havis 10 092 000 habitanti^[1]. Lua tota surfaco esas 2672 km². Kun Callao, ol formacas kontigua metropolala regiono ube rezidas cirkume 1/3 de la habitantaro di Peru.

Lima jacas apud Pacifiko, an la vali di fluvieti Chillón, Rimac (origino di lua nuna nomo, Lima) e Lurín. Lua portuo ed aeroportuo jacas an vicina urbo Callao.

Lima fondesis en 1535 dal Hispana conquistador Francisco Pizarro, qua nomizis ol Ciudad de los Reyes (Urbo dil Rejuli). Ol esas sideyo di la Nacionala Universitato San Marcos, fondita ye la 12ma di mayo 1551, esanta un ek la maxim anciena institucuri di superiora aprentiteso di Amerika. Ol divenis la maxim importanta urbo di Peru de la 16ma yarcento til la 19ma yarcento. Nun ol judikesas kom la centro politikala, kulturala, ekonomiala e komercala di Peru e duras esar un ek la maxim importanta urbi di Sud-Amerika.

1. ↑ ^{1,0 1,1} Situación de la Población Peruana - 2023 - Publikigita da INEI. Dato di publikigo: julio 2023. Idiomo: Hispana.