Back Pulo Pinang ACE بينانق Arabic Penang AST Pinanq Azerbaijani Пенанг Bulgarian পেনাং Bengali/Bangla Pulau Pinang BUG Penang Catalan Pulau Pinang CDO Pulau Pinang (estado) CEB
Penang esas malaiziana stato situita an la nordwesta marbordo di Peninsulala Malaizia, apud la Stretajo di Malaka.
Ol havas du parti: Penang-Insulo, ube la chefurbo, George Town, situesas, e Seberang Perai (olim Provinco Wellesley) sur la Malaya Peninsulo. Penang havas frontieri kun Kedah norde ed este, e kun Perak sude.
Konocata kom la Siliko-Valo dil Esto pro sua industrii, Penang esas anke un ek la maxim urbanigita ed ekonomiale importanta stati en Malaizia. George Town, fondita da Britania en 1786, esas UNESCO Mondala Heredajo-Situo e prosperoza turisto-destino. Penang havas la triesma maxim alta indexo pri homala developeso en Malaizia, dop la stato Selangor e la Federala Teritorio di Kuala Lumpur.
Olua heterogena populo esas diversega ye etnio, kulturo, linguo e religio. Rezidanti di Penang lokale konocesas kom Penangite (en la angla), Penang Lang (en Penang Hokkien) o Penangkaran (en Tamil).