Recife, Pernambuco

Recife
Kelk imaji pri Recife.
Standardo	Blazono
Lando:	Brazilia
Stato:	Pernambuco
Informo:
Fondita ye:	12ma di marto 1537
Latitudo:	8°03'14" S
Longitudo:	34°52'51" W
Altitudo:	4 m
Surfaco:	218,4 km²
Habitanti:	1 488 920[1] (2022)
Denseso di habitantaro:	6816,3 hab./km²
Disto de Brasília:	2220 km
Horala zono:	UTC-3
Urbestro:	João Henrique Campos (PSB, 2025-2028)[2]
Mapo:
Oficala retosituo:
http://www.recife.pe.gov.br

Recife esas la chef-urbo di Braziliana stato Pernambuco. Segun la demografiala kontado di 2022, ol havis 1 488 920 habitanti^[1], esanta la 3ma maxim populoza de Nord-estala regiono, e 9ma maxim populoza urbo de Brazilia^[1]. Lua metropolala regiono esas la 5ma maxim populoza de Brazilia, havanta 3 783 101 habitanti segun la sama kontado^[3]. La tota surfaco dil urbo esas 218,4 km².

Fondita ye la 12ma di marto 1537, Recife nun esas importanta komercala e turistala urbo de la Nordestala regiono di Brazilia. Tri statala chef-urbi de la Nord-estala regiono distas min kam 300 km de Recife: João Pessoa (122 km), Maceió (257 km) e Natal (286 km). L'importanta portuo Suape distas 40 km sude de ol.

Nun, un ek la maxim konocata turistala atraktivi di Recife esas lua Karnavalo, en februaro o marto. La ritmo frevo esas la tipala muziko di Karnavalo en Recife ed en la vicina urbo Olinda. Multa historiala edifici anke prezervesas en la du urbi.

La sideyo di la Federala Universitato di Pernambuco (UFPE) jacas en Recife.

1. ↑ ^{1,0 1,1 1,2} Publikigita da G1. Dato di publikigo: 28ma di junio 2023. 
2. ↑ João Campos é reeleito prefeito do Recife com votação recorde - Publikigita da G1. Dato di publikigo: 27ma di oktobro 2024. Idiomo: Portugalana.
3. ↑ Concentração urbana do Recife é a quinta maior do Brasil - Publikigita da Folha de Pernambuco. Dato di publikigo: 28ma di junio 2023. URL vidita ye 23ma di julio 2023. Idiomo: Portugalana.