American Friends Service Committee

Bandaríska vináttu- og þjónustunefndin
Skammstöfun	AFSC
Stofnun	1917; fyrir 108 árum (1917)
Gerð	Friðarsamtök
Höfuðstöðvar	Philadelphiu, Pennsylvaniu, Bandaríkjunum
Aðalritari	Joyce Ajlouny
Lykilmenn	Rufus Jones (stofnandi)
Vefsíða	afsc.org
Verðlaun	Friðarverðlaun Nóbels (1947)

American Friends Service Committee (ísl. Bandaríska vináttu- og þjónustunefndin^[1]) er stofnun bandarískra kvekara sem vinnur að friði og samfélagsréttlæti í Bandaríkjunum og um allan heim.

Samtökin voru stofnuð árið 1917 að undirlagi dr. Rufusar Jones, sem kom fram í forsvari til Bandaríkjastjórnar í fyrri heimsstyrjöldinni til að fá undanþágu frá herkvaðningu fyrir kvekara. Svo var búið um hnútana að kvekarar fengu í gegnum AFSC að gegna margvíslegu hjálparstarfi í stað herþjónustu og tóku meðal annars þátt í endurbyggingu fjölda franskra þorpa í kjölfar stríðsins.^[2]

Árið 1947 tóku samtökin við Friðarverðlaunum Nóbels ásamt breskum systursamtökum sínum, Friends Service Council, fyrir hönd kvekara.^[3]

1. ↑ „„Eru Bandaríkin eini ógnvaldur friðar í heiminum?"“. Morgunblaðið. 14. júlí 1982. Sótt 9. maí 2020.
2. ↑ „Kvekarar fengu friðarverðlaun Nobels“. Lesbók Morgunblaðsins. 6. júní 1948. Sótt 9. maí 2020.
3. ↑ „Merkilegur trúarflokkur“. Tíminn. 27. nóvember 1947. Sótt 9. maí 2020.