Aristide Briand

Aristide Briand
Forsætisráðherra Frakklands
Í embætti 24. júní 1909 – 2. mars 1911
Í embætti 21. janúar 1913 – 22. mars 1913
Í embætti 29. október 1915 – 20. mars 1917
Í embætti 16. janúar 1921 – 15. janúar 1922
Í embætti 28. nóvember 1925 – 20. júlí 1926
Í embætti 29. júlí 1929 – 2. nóvember 1929
Persónulegar upplýsingar
Fæddur	28. mars 1862 Nantes, Frakklandi
Látinn	7. mars 1932 (69 ára) París, Frakklandi
Stjórnmálaflokkur	Lýðveldissósíalistaflokkurinn (Parti républicain-socialiste)
Starf	Stjórnmálamaður, ríkiserindreki
Verðlaun	Friðarverðlaun Nóbels

Aristide Pierre Henri Briand (28. mars 1862^[1] – 7. mars 1932) var franskur stjórnmálamaður, lögfræðingur og ríkiserindreki sem var ellefu sinnum forsætisráðherra Frakklands og tuttugu og sjö sinnum ráðherra í þriðja franska lýðveldinu. Hann lék lykilhlutverk í mótun milliríkjasambanda eftir fyrri heimsstyrjöldina.

Briand hlaut friðarverðlaun Nóbels árið 1926 ásamt Gustav Stresemann fyrir að vinna að sáttum milli Frakklands og Þýskalands með Locarno-sáttmálanum árið 1925. Árið 1928 gerði hann samning við Frank Billings Kellogg utanríkisráðherra Bandaríkjanna í því skyni að gera stríð milli ríkjanna ólöglegt. Framfarir í alþjóðasamböndum sem Briand vann að með Þjóðabandalaginu voru flestar gerðar að engu í byrjun fjórða áratugsins með kreppunni miklu og uppgangi nasismans og japanskrar þjóðernishyggju.

1. ↑ Acte de naissance d'Aristide Pierre Henri Briand : 1er canton de Nantes, nr. 134, vue 24 Archives municipales de Nantes Geymt 4 september 2011 í Wayback Machine.