Back George H. W. Bush ACE George H.W. Bush Afrikaans George H. W. Bush ALS ጆርጅ ኤች ቡሽ Amharic George H. W. Bush AN Georgius H. W. Bush ANG جورج بوش الأب Arabic دجورج بوش لكبير ARY جورج هيربيرت ووكر بوش ARZ George H. W. Bush AST
| George H. W. Bush | |
|---|---|
.jpg) | |
| Forseti Bandaríkjanna | |
| Í embætti 20. janúar 1989 – 20. janúar 1993 | |
| Varaforseti | Dan Quayle |
| Forveri | Ronald Reagan |
| Eftirmaður | Bill Clinton |
| Varaforseti Bandaríkjanna | |
| Í embætti 19. janúar 1981 – 20. janúar 1989 | |
| Forseti | Ronald Reagan |
| Forveri | Walter Mondale |
| Eftirmaður | Dan Quayle |
| Persónulegar upplýsingar | |
| Fæddur | 12. júní 1924 Milton, Massachusetts, Bandaríkjunum |
| Látinn | 30. nóvember 2018 (94 ára) Houston, Texas, Bandaríkjunum |
| Þjóðerni | Bandarískur |
| Stjórnmálaflokkur | Repúblikanaflokkurinn |
| Maki | Barbara Pierce (g. 1945; d. 2018) |
| Börn | 6; þ. á m. George og Jeb |
| Háskóli | Yale-háskóli |
| Starf | Stjórnmálamaður |
| Undirskrift |  |
George Herbert Walker Bush (12. júní 1924 – 30. nóvember 2018) var 41. forseti Bandaríkjanna frá 20. janúar 1989 til 20. janúar 1993 fyrir repúblikana og þar áður varaforseti Bandaríkjanna í forsetatíð Ronalds Reagan. Hann er faðir George W. Bush, sem varð 43. forseti Bandaríkjanna. Eitt af stærstu verkefnum ríkisstjórnar hans var Persaflóastríðið 1990 til 1991 í kjölfar innrásar Íraks í Kúveit, en sú tilfinning almennings í Bandaríkjunum fyrir því að hann hefði ekki lokið því með sæmd átti þátt í því að hann náði ekki endurkjöri 1992.
Bush sat á fulltrúadeild Bandaríkjaþings frá 1967 til 1971 fyrir kjördæmi í Texas. Hann var fastafulltrúi Bandaríkjanna hjá Sameinuðu þjóðunum árin 1971–1973, formaður landsnefndar Repúblikanaflokksins 1973–1974, sendiherra Bandaríkjanna í Kína 1974–1976 og forstjóri CIA 1976–1977. Hann var varaforseti í forsetatíð Reagans árin 1981–1989 og tók við af Reagan sem forseti Bandaríkjanna eftir forsetakosningarnar 1988. Hann gegndi embættinu í eitt kjörtímabil en náði ekki endurkjöri í forsetakosningunum 1992. Bush var forseti þegar kommúnistastjórnirnar í Austur-Evrópu hrundu árið 1989, Sovétríkin liðu undir lok og þegar Bandaríkin háðu Persaflóastríðið 1990–1991.
Þegar Bush var forseti var hann yfirleitt aðeins kallaður George Bush. Frá því að sonur hans, George W. Bush, var kjörinn forseti árið 2000 hefur hann jafnan verið kenndur með millinafnsstöfunum H. W. til að greina hann frá syni sínum. Feðgarnir eru einnig stundum kallaðir „Bush eldri“ og „Bush yngri“ eða „Bush 41“ og „Bush 43“ (eftir raðtölum þeirra meðal forseta Bandaríkjanna).