Hinsegin

Hinsegin er regnhlífarhugtak yfir ýmsa minnihlutahópa hvað varðar kynhneigð, kynferði, kyntjáning, og kyneinkenni sem skera sig frá gagnkynhneigðu viðmiði^[1]. Orðið nær þá m.a. yfir samkynhneigða, tvíkynhneigða, eikynhneigða, trans fólk og intersex fólk.^[2][3]

Orðið hefur verið notað í þessari merkingu síðan um það bil árið 2000. Q - Félag hinsegin stúdenta var fyrsta félagið til þess að opinberlega taka orðið hinseign inn í nafnið sitt, en það bar áður heitið Félag samkynhneigðra stúdenta, FSS.^[4] Samtökin '78 fylgdu fljótt á eftir og var undirskrift félagsins breytt úr Félag lesbía og homma á Íslandi í Félag hinsegin fólks á Íslandi.^[5][6]

Áður fyrr hafði orðið stundum verið notað um hinsegin fólk (einkum samkynhneigða) í niðrandi tilgangi og vísaði þá til þess að viðkomandi væri öðruvísi.^[6]

1. ↑ „Ö til A: Gagnkynhneigð viðmið“.
2. ↑ Hvað er hinsegin?https://reykjavik.is/sites/default/files/ymis_skjol/skjol_utgefid_efni/hvaderhinsegin_a3_plakat-final-hq.pdf
3. ↑ Vef. „Hinsegin“, Hinsegin frá ö til a, https://otila.is/grunnurinn/hinsegin/
4. ↑ Q-félag hinsegin stúdenta https://queer.is/
5. ↑ Samtökin '78 https://samtokin78.is/
6. ↑ ^{6,0 6,1} „Hinsegin - Hinsegin frá Ö til A“. Sótt 13. apríl 2019.