Sigga Beinteins

Sigríður Beinteinsdóttir (f. 26. júlí 1962), eða Sigga Beinteins‎, er söngkona Stjórnarinnar. Hún keppti fyrir hönd Íslands í Söngvakeppni evrópskra sjónvarpsstöðva árin 1990 með Stjórninni með laginu „Eitt lag enn“ (4. sæti), síðan árið 1992 með Heart2Heart með lagið „Nei eða já“ (7. sæti) og loks í þriðja skipti árið 1994 með laginu „Nætur“ (12. sæti). Hún er sú sem hefur farið oftast sem forsöngvari fyrir hönd Íslands í aðalkeppnina. Sigga söng einnig bakraddir hjá Silvíu Nótt í keppninni árið 2006.