Angsang

Angsang
Angsang Iwak Tuna
Pengenal
MeSH	D005880
Terminologi anatomi [besut ing Wikidata]

Angsang inggih punika piranti ambegan ulam (iwak) (Pisces).^[1] Kajawi kanggé piranti ambegan, angsang ugi gadhah mupangat kanggé piranti ekskresi sarem, nyaring panganan, piranti ijol ion, kaliyan osmoregulator.^[1] Sawetawis jinis ulam gadhah labirin ingkang saged miyaraken angsang manginggil kaliyan mbentuk lempitan-lempitan, saéngga gronggonganipun boten tumata.^[1] Labirin punika kaginanipun nyimpen sèrepan oksigèn, saéngga ulam tahan ing kaanan ingkang kirang oksigèn.^[1] Ulam ingkang balungipun sajati (Osteichthyes), angsangipun dijangkepi tutup angsang ingkang dipunwastani operkulum.^[2] Déné ulam ingkang balungipun rawan (Chondrichthyes), angsangipun boten gadhah tutup angsang.^[2]

1. ↑ ^{a b c d} Alat Pernafasan Hewan Archived 2012-11-04 at the Wayback Machine.(dipunundhuh 28 Oktober 2012)
2. ↑ ^{a b} Sistem Pernafasan Ikan Archived 2014-04-19 at the Wayback Machine.(dipunundhuh 28 Oktober 2012)