E-wayang punika wayang kang sadaya prosès pendamelanipun ngginakan sarana lan fasilitas dhigital (piranti alus) kanggé yasa pérangan ingkang minangka wujud e-wayang, kalebet ugi ing sajeroning pagelaran wayang ngginakaken sarana komputer. Sedaya prosès punika miturut prosès dhigital, saéngga dados wujud wayang ingkang wonten ing format-format dhigital lan saged dipunsajèkaken dados pagelaran dhigital kanthi program komputer.
Lairipun e-wayang punika dipuntiti kaliyan sengkalan:
- Sengkalan dhedhasar taun jawa Netra(2) Suci(4) Ambabah(9) Jagad Maya(1), nunjuk taun 1942 taun Jawa
- Sengkalan dhedhasar taun Masehi Déwa(9) Ngulandara(0) ing Awang-awanging(0) Netra(2) nunjuk taun 2009 Masehi
Sengkalan punika sampun dipunripta wayang dhigital Ismaya, déwa ingkang ngulandara ing jagad kanggé nemong trah witaradya.