Hasan di Tiro

Muhammad Hassan di Tiro
(1925-08-25)25 Agustus 1925 – 3 Juni 2010
Papan kelairan	Acèh, Hindia Nèderlan
Papan pesaréan	Banda Acèh, Indonésia
Pengabdian tumrap	Gerakan Acèh Merdeka
Suwéné dines	4 Dhésèmber 1976-27 Dhésèmber 2005
Perang	Pamberontaan ing Acèh

Hasan di Tiro utawa jeneng dawa ya iku Teungku Hasan Muhammad di Tiro (lair ing Pidie, Acèh, 25 Sèptèmber 1925 – pati ing Banda Acèh, 3 Juni 2010 ing umur 84 taun) sadina sadurungè tilar donya panjenengané diwènèhi panghargaan WNI déning pamaréntah Indonésia, panjenengané kagolong salah sijiné proklamator kamardhikan Acèh ing 4 Dhésèmber 1976. Hasan Tiro pungkasan manggon ana ing Stockholm, ya iku kutha krajan Swèdhen. Panjenengané uga mèlu lumebu metu ana ing alas bebarengan pasukané ing taun 1976 kanggo misahake saka Indonésia. Parjuanganné Tiro kalaksanan sajeroning telung taun. Karana serangan bala Indonésia kang ora bisa diendhani panjenengané ngungsi ing saben-saben nagara kang sabanjuré netep ana ing Stockholm, ibu kutha Swèdhen. Sapungkasané lengser papréntahan Soeharto, isu "Acèh merdeka" dadi bahan omongan ana ing kanjuru donya. Organisasi (Gerakan Acèh Merdeka) muntab ing tlatah internasional. Hasan Tiro uga bisa tapak asma ing deklarasi madegé Nagara Acèh Sumatra, ing pungkasan 2002. Panjenengané uga nglakoni lan nandatangani surat babagan GAM kang dikirim déning Sekretaris Jenderal Parsarikatan Bangsa-Bangsa Kofi Annan ing tanggal 25 Januari 1999.