Jehotang

Jehotang (제호탕) ya iku ombenan tradhisional kas Koréa kang digawé saka bahan herba lan lumrahé disajekake ing mangsa katiga.^[1][2] Ombenan iki kawiwitan saka resep masakan pura Dinasti Joseon kang duwé manfaat minangka ombenan kang bisa nambani ngelak ing mangsa katiga.^[2] Ing wulan kaping 5 ing dina Dano miturut kalender tradhisional, nalika hawane isih panas, klinik pura karajan wiwit gawé jehotang lan diwènèhake marang raja.^[2]

Bahan mligi jehotang ya iku godhogan sari bahan-bahan herba kaya ta tuwuhan arrowroot (ganyong), omija (Schisandra chinensis), ginseng, liriope graminifolia, aprikot lan jahe.^[2] Ombenan iki duwé manfaat kanggo keséhatan ya iku kanggo nambani diare lan watuk.^[2] Sebutane mau bisa tinemu ing dhokumèn usada kuna Dongui Bogam karyané dhokter pura Heo Jun kang nulisaké manfaat lan carané gawé jehotang.^[2]

1. ↑ Jehotang Archived 2012-08-05 at the Wayback Machine., seoul.go.kr. Diundhuh tanggal 31 Mèi 2010.
2. ↑ ^{a b c d e f} Han Bok-jin (1999). "Traditional Summer Beverages" (PDF). Koreana. 19 (2): 80–83. Dibukak ing 12 Sèptèmber 2010. {{cite journal}}: Unknown parameter |month= ignored (pitulung)^{[pranala mati permanèn]}