Ranah internet tingkat paling dhuwur

Ranah Internet Tingkat Paling Dhuwur (Inggris: Top Level Internet Domain, TLD) iku rujukan tumrap ukara-ukara pungkasan sawisé tandha titik sajeroning jeneng domain. Upamané www.google.com ndarbèni domain paling dhuwur com (utawa COM, amarga jeneng domain ora mbédakaké ukara gedhé utawa cilik).

Internet Assigned Numbers Authority (IANA) wektu iki mènèhi klasifikasi Ranah Internet Tingkat Paling Dhuwur sajeroning 3 jinis:

• country code top-level domains (ccTLD)

  Dipigunakaké kanggo kodhe nagara utaw wewengkon dependensi. Dumadi saka 2 ukara, contoné .jp kanggo Jepang.

• generic top-level domains (gTLD)

  Dipigunakaké déning warna-warna organisasi (conto, .com kanggo organisasi komersial). Domain iki dumadi saka 3 ukaraf utawa luwih. Sapérangan gedhé gTLD sumadya kanggo dipigunakaké kanthi ombèr, nanging kanggo alesan historis, .mil (militèr Amérika Sarékat) lan .gov (Papréntahan Federal Amérika Sarékat) diwatesi lan mung bisa dianggo déning kaloro otoritas mau. Domain-domain sajeroning gTLD disubklasifikasèkaké sajeroning ranah kang disponsori (sponsored top-level domains (sTLD)), upamané.aero,.coop lan.musiyum, lan ranah kang ora disponsori (unsponsored top-level domains (uTLD)), upamané.biz,.info,.name lan.pro.

• infrastructure top-level domains

  Siji-sijiné kang ditampa yaiku .arpa. Sawetara iku domain .root ana nanging tanpa kajelasan kanggo apa gunané.