Remy Sylado

Remy Sylado
Pakarya	wartawan, sastrawan, dramawan, penulis
Bangsa	Indonésia

Yapi Panda Abdiel Tambayong (Ejaan Républik: Japi Tambajong) utawa kondhang karo jeneng pena Remy Sylado lair ing Makassar, Sulawesi Selatan 12 Juli 1945 ya iku sastrawan Indonésia.^[1]

Remy Silado ya iku penyair, kondhang amarga puisi mbeling.^[2] Dhèwèké lair ana Malino, Makassar, Sulawesi Kidul, ing 12 Juli 1945, kanthi jeneng Yapi Panda Abdiel Tambayong utawa Japi Tambajong.^[2][3] Jenenge kerep ditulis nganggo angka 23761, dijipuk saka chord sepisanan lagu All My Loving duweke The Beatles.^[2][3] Kabèh babagan seni wis dijajal, saka nulis geguritan, novèl, ésai, nganti naskah lakon; uga seni musik, seni rupa, lan mligi seni téater.^[2]

Remy Silado dadi pelopor puisi mbeling taun 1970-an, 'apa waé bisa lan olèh ditulis dadi geguritan, lan sapa waé olèh dadi penyair'.^[4] Dhèwèké dadi rédhaktur ana kalawarti Aktuil lan ngurusi rubrik Puisi Mbeling.^[4]

Geguritan-geguritané sasuwéné 30 taun diklumpukaké lan diterbitaké kanthi irah-irahan Puisi Mbeling Remy Silado déning Kepustakaan Populer Gramedia taun 2004.^[4]

1. ↑ Remy Sylado(01 Agustus 2011)
2. ↑ ^{a b c d} "Remy Silado dan Puisi Mbeling". jendelasastra.com. 27 December 2013. Dibukak ing 14 August 2016.
3. ↑ ^{a b} "Tokoh Banyak Rupa". tokohindonesia.com. 24 February 2012. Diarsip saka sing asli ing 7 April 2016. Dibukak ing 14 August 2016.
4. ↑ ^{a b c} Gaus, Ahmad (15 July 2015). "Remy Silado dan Puisi Mbeling". ahmadgaus.com. Dibukak ing 14 August 2016.