Subtropis

Subtropis iku wewengkon Bumi sing ana ing lor lan kidul sawisé wewengkon tropis sing diwatesi déning garis walik lor lan garis walik kidul ing lintang 23,5° lor lan kidul. Kaanan iklim subtropis diwernani kanthi gangguan lan alangan saka alam kaya déné badai, udan salju, utawa tornado. Laladan mawa iklim subtropis duwé 4 mangsa ya iku mangsa semi, mangsa panas, mangsa palastra, lan mangsa adhem. Papat mangsa iki duwé karakteristik dhéwé-dhéwé, kanthi suhu maksimal, minimal, kalembaban, uga kaanan makluk urip sing béda.

Laladan subtropis ing wilahan bumi lor njangkep wewengkon:

• Sapérangan gedhé Éropa, kejaba Skandinavia.
• Kawasan Asia Tengah, Asia Wétan, lan Asia Kulon sisih lor.
• Amérika Sarékat lan saubengé.
• Mesir lan Afrika Lor.

Laladan subtropis ing pérangan kidul njangkep wewengkon:

• Australia
• Pérangan kidul Amérika Kidul