PubMed

PubMed
ოფიციალური ლოგო
საიტი	ოფიციალური საიტი
კომერციულობა	არა
საიტის ტიპი	სამეცნიერო გამოცემების მონაცემთა ბაზა
რეგისტრაცია	არჩევითი
ხელმისაწვდომი ენა	ინგლისური
გაეშვა	1996; 29 წლის წინ (1996)
ამჟამინდელი სტატუსი	აქტიური

PubMed — ინგლისურენოვანი სამედიცინო და ბიოლოგიური პუბლიკაციების ტექსტური მონაცემთა ბაზა, რომელიც შექმნილია ბიოტექნოლოგიური ინფორმაციების ეროვნული ცენტრის (NCBI) მიერ აშშ-ის მედიცინის ეროვნული ბიბლიოთეკის (NLM) „ბიოტექნოლოგიის“ დარგის საფუძველზე^[1]. PubMed-ის მთავარი შემადგენელია MEDLINE^[2]. იგი პირველად წარდგენილი იქნა 1996 წლის იანვარში^[3]. მისი ნახვა შესაძლებელია ცენტრალური საძებნი სისტემის — Entrez-ის საშუალებით, რომელიც მოიცავს PubMed-ს, PubChem-ს და სხვა მთავარ სამედიცინო მანაცემთა ბაზებს. შეიცავს დაახლოებით 25 მილიონ ციტირებას.

PubMed სპეციალური ლიტერატურის მეშვეობით ახორციელებს სამედიცინო და ბიოლოგიური სტატიების დოკუმენტირებას, ასევე იძლევა წყაროებს მთლიანტექსტურ სტატიებზე. PubMed მოიცავს შემდეგი დარგების მონაცემებს: მედიცინა, სტომატოლოგია, ვეტერინარია, საერთო ჯანდაცვა, ფსიქოლოგია, ბიოლოგია, გენეტიკა, ბიოქიმია, ციტოლოგია, ბიოტექნოლოგია, ბიომედიცინა და სხვა. დოკუმენტირებულია დაახლოებით 3800 ბიოსამედიცინო გამომცემლობა. ყოველწლიურად PubMed-ის მონაცემთა ბაზა იზრდება 500 000 დოკუმენტით. ძიება ხდება Medical Subject Headings-ის (MeSH) პრინციპით.

თითოეულ სტატიას ენიჭება უნიკალური საიდენფიკაციო ნომერი PMID (ინგლ. PubMed Identifier — PubMed-ის იდენტიფიკატორი)^[4].

1. ↑ McEntyre, J. & Lipman D. (2001): PubMed: bridging the information gap. In: CMAJ. Bd. 164, S. 1317—1319. PDF
2. ↑ https://www.nlm.nih.gov/pubs/factsheets/medline.html
3. ↑ PubMed Celebrates its 10th Anniversary. Technical Bulletin. United States National Library of Medicine (2006-10-05). დაარქივებულია ორიგინალიდან — 2012-03-02. ციტირების თარიღი: 2011-03-22.
4. ↑ PubMed Help. PMID [PMID]. National Center for Biotechnology Information. ციტირების თარიღი: 2013-07-23.