WonderSwan

სახელწოდების გარეშე
ზედა: WonderSwan შუა: WonderSwan Color ქვედა: SwanCrystal
მწარმოებელი	Bandai
ტიპი	პორტატიული ვიდეო თამაშების კონსოლი
თაობა	მეხუთე თაობა
გამოშვების თარიღი	WonderSwan: იაპ 4 მარტი, 1999 WonderSwan Color: იაპ 9 დეკემბერი, 2000 SwanCrystal: იაპ 12 ივლისი, 2002
თავდაპირველი ფასი	4,800 იენა (WonderSwan) 6,800 იენა (WonderSwan Color) 7,800 (SwanCrystal)
შეწყდა	2003 (2003)
გაიყიდა	3.50 მილიონი 1.55 მილიონი (WonderSwan) მილიონი (WonderSwan Color)
მედია	სათამაშო კარტრიჯი
კვება	1 × AA ბატარეა 40 საათი (WonderSwan) 20 საათი (WonderSwan Color) 15 საათი (SwanCrystal)
პროცესორი	NEC V30 MZ
მეხსიერება	512 კილობიტი (64 KB) RAM
მონიტორი	FSTN (WonderSwan, WonderSwan Color) TFT LCD (SwanCrystal) 224 × 144
ხმა	4 PCM არხი
წინა	Design Master Senshi Mangajukuu
შემდეგი	Digital Monster
დაკავშირებული სტატიები	ტამაგოჩი

WonderSwan — მეხუთე თაობის პორტატიული ვიდეო თამაშების კონსოლი, წარმოებული იაპონური კომპანია Bandai-ის მიერ. კონსოლი შექმნა იაპონელმა დიზაინერმა გუნპეი იოკოიმ, ხოლო გამოვიდა 1999 წლის 4 მარტს იაპონიაში,^[1] მეხუთე თაობის ეპოქაში. მოგვიანებით გამოვიდა კონსოლის ორი ვარიანტი — WonderSwan Color და SwanCrystal. არსებობის ისტორიაში, იაპონიის გარეთ კონსოლის რაიმე სახის ვარიაცია არ გამოცემულა.

სისტემა აღჭურვილი იყო NEC-ის V30 MZ 16-ბიტიანი ცენტრალური პროცესორითა^[2][3] და 64 კილობაიტიანი ოპერატიული მეხსიერებით. მის კონკურენტ კონსოლებთან, Nintendo-ს Game Boy Color და SNK-ის Neo Geo Pocket Color-თან შედარებით WonderSwan დაბალი ფასითა და ბატარეის ხანგრძლივობით გამოირჩეოდა. WonderSwan-ზე თამაში შესაძლებელია როგორც ვერტიკალურად, ისევე ჰორიზონტალურად განთავსებულ პოზიციაში. იგი მოიცავს თამაშების უნიკალურ ბიბლიოთეკას, შექმნილი პირველი და მესამე მხარის დეველოპერების მიერ, როგორებიცაა Squaresoft, Namco, Capcom და Banpresto. Koto Laboratories-ზე დაყრდნობით, მსოფლიოს მასშტაბით გაიყიდა კონსოლის 10 მილიონი სათამაშო კარტრიჯი.^[4]

2000 წლის 9 დეკემბერს Bandai-მ გამოსცა კონსოლის განახლებული ვერსია WonderSwan Color,^[5] რომელსაც გააჩნდა ფერადი ეკრანი და მის წინამორბედთან უკუთავსებადი იყო.^[6]

2002 წლის 12 ივლისს გამოვიდა კონსოლის კიდევ ერთი განახლებული ვერსია SwanCrystal. მიუხედავად დაბალი ფასისა და განახლებული LCD-ეკრანისა, SwanCrystal-მა ვერ შეძლო Game Boy Advance-ისთვის კონკურენციის გაწევა, შედეგად Bandai-მ შეწყვიტა WonderSwan-ის წარმოება 2003 წელს.^[6] მას შემდეგ Game Boy Advance-ზე გამოვიდა WonderSwan-ის რამდენიმე თამაშის პორტირებული ვერსია.^[7] საერთო ჯამში გაიყიდა კონსოლის 3.5 მილიონი ეგზემპლარი^[8] და მოიცვა იაპონიის პორტატიული კონსოლების ბაზრის 8%.^[6] მიუხედავად წარუმატებლობისა, თანამედროვე მიმოხილველები დადებითად აფასებენ WonderSwan-ის ტექნიკურ შესაძლებლობებს.

1. ↑ Plunkett, Luke. (8 აპრილი, 2011) The Game Boy Creator's Last Handheld Was a Wonderful Thing. Kotaku. ციტირების თარიღი: 17 აპრილი, 2014.
2. ↑ McFerran, Damien. (18 ივნისი, 2008) Handheld Classics: Bandai WonderSwan. Pocket Gamer. ციტირების თარიღი: 8 აგვისტო, 2017.
3. ↑ Marshall, Alex. (2014–2016) WSMan rev.7. ციტირების თარიღი: 8 აგვისტო, 2017.
4. ↑ Koto Laboratory: Products. Koto Laboratories. დაარქივებულია ორიგინალიდან — 2014-02-16. ციტირების თარიღი: 12 მაისი, 2014.
5. ↑ Harris, Craig. (30 აგვისტო, 2000) WonderSwan Color Revealed. დაარქივებულია ორიგინალიდან — 2012-01-25. ციტირების თარიღი: 28 აპრილი, 2011.
6. ↑ ^{6.0 6.1 6.2} Wild, Kim (2007). „Retroinspection: WonderSwan“. Retro Gamer (36): 68–71. ISSN 1742-3155.
7. ↑ Parish, Jeremy. (8 მაისი, 2014) Exploring Game Boy's True Successor, Bandai WonderSwan. USGamer. ციტირების თარიღი: 12 მაისი, 2014.
8. ↑ Brunskill, Kerry (2010). „Swan Song: A WonderSwan Retrospective“. Retro Gamer (126): 45–47.