Braziliya

Bul terminniń basqa da mánisleri bar. Qarańız: Braziliya (mánisleri).

Braziliya, rásmiy atı: Braziliya Federativ Respublikası (parsısha: Brasil yamasa República Federativa do Brasil) - Qubla Amerikadaǵı eń úlken hám xalqı eń kóp bolǵan mámleket bolıp, hám xalıq sanı, hám maydanı tárepinen dúnyada besinshi orındı iyeleydi. Maydanı 8 512 mıń km2. Xalqı 192,376,496 adam (2012). Ol Qubla Amerika orayınan tap Atlantika okeanına shekem tarqalǵan aymaqtı iyelep Amerikanıń „eń shıǵıs“ mámleketi bolıp tabıladı. Ol menen shegaralas mámleketler: Urugvay, Argentina, Paragvay, Boliviya, Peru, Kolumbiya, Venesuela, Guyana, Suriname hám Francuz Giyanasınıń francuz bólegi.

Anıqraǵı, ol Ekvador hám Chiliden tısqarı, Qubla Amerikanıń hár bir mámleketi menen shegaralas. Atı, dáslepki kolonistler tárepinen júdá qádirlengen, Braziliya tereginen (pau-brasil) kelip shıqqan. Aymaǵında da egin maydanları hám tropikalıq ormanzarlar kútá úlken jaydı iyeleydi. Tábiyiy resurslar hám úlken muǵdardaǵı jumısshı kúshine bay bolǵan Braziliya, Qubla Amerika ekonomikasınıń jetekshisi bolıp tabıladı. Dáslep Portugaliyanıń burınǵı koloniyası bolǵanınan soń, onıń mámleketlik tili portugal tili bolıp tabıladı. Paytaxtı - Braziliya qalası. BMSh aǵzası. Basqarıw tárepten 26 shtat hám federal (paytaxt) okrugqa bólinedi.