Back Savannah Region DAG Savannah Region German Savannah Region English Región de Sabana Spanish منطقه ساوانا Persian Savannah (Ghana) Finnish Savannah Region French Savannah Region GPE Yankin Savannah Hausa Regione di Savannah Italian
| Continent | Africa  |
|---|---|
| Country | Ghana |
| Capital | Damongo |
| Located in the administrative territorial entity | Ghana |
| Location | Ghana |
| Coordinate location | 9°5′0″N 1°49′0″W |
| Contains the administrative territorial entity | West Gonja Municipal District, East Gonja Municipal District, Central Gonja District, North East Gonja District, Bole District |
Savannah Region anɛ regions of Ghana paala yinne ka la’an nɛ wala linɛ zu'oe gat region nam la wʋsa Ghana sʋ’ʋlim. Region la maalʋg da pin’ilnɛ Gonja Traditional Council dimi da sɔb gbaʋŋ, ka onɛ da gaadi ba tuon an Yagbonwura Tumtumba Boresa Jakpa I. Ban da paam lɛbis sʋma yit Northern Region tuongatibin (anina ka li da nwaae yi), Brobbey Commission (Commission kanɛ tʋʋma an ye li maal region paala), sʋ’ʋlim kan dim da vɔɔti siak region nwa’ maalʋg yɛla, ka li da anɛ yʋʋm tʋsayi’ nɛ piinɛ anii, nwadis piinɛ ayi la dabpisi nɛ ayɔpɔi daar (27th December 2018). Nidib la da vɔɔt ye ɛɛn ka ba siakya nwɛnɛ nidib piswai nɛ awai du’ali ayɔpɔi kɔbiga pʋʋgin (99.7%). Republic of Ghana Zuraan da tikya ka nɔk wada gbaʋŋ nwa’ (Constitutional Instrument (CI) 115) paae tis Yagbonwura onɛ bɛ Jubilee House, Accra yʋʋm tʋsayi’ nɛ piinɛ awai, nwadis ayi’, dabpiinɛ ayi’ daar (12 February 2019). Li pin’ilig tigir la da ye pʋ’asada nɛ dasam bɛdegʋ banɛ bɛ Gonjaland nɛ wadmaannib, MDCEs banɛ bɛ zina nɛ banɛ gaad wʋsa da bɛ anina, nɛ gɔmena tʋmtʋmnib banɛ yit Gonjaland. Damongo ka ba da gaŋ ye li an Savannah Region tɛmpʋʋgtita’ar.[1] Li bɛnɛ teŋ la datiʋŋ. Savannah Region mɔr districts nam ayɔpɔi; Bole, Central Gonja, North Gonja, East Gonja, Sawla/Tuna/Kalba, West Gonja, North East Gonja nɛ Constituencies nam ayɔpɔi; Bole/Bamboi, Damongo, Daboya/Mankarigu, Salaga North, Salaga South, Sawla/Tuna/Kalba nɛ Yapei/Kusawgu.[2][3] Bole district la tɛmpʋʋg anɛ Bole;ka East Gonja municipal an Salaga; West Gonja district an Damango; Sawla Tuna Kalba district an Salwa; Central Gonja an Buipe; North Gonja an Daboya; ka North East Gonja mɛ an Kpalbe.[4]