| Alan Kent | |
|---|---|
| Genys |
1967  Sen Austel |
| Mernans |
20 Gortheren 2022 |
| Kenedhlogeth |
Ruvaneth Unys |
| Galwesigeth |
skrifer |
Alan Mark Kent (1967 – 2022) o prydydh, dramasydh, novelydh, golegydh, akademydh ha dyskader. Ev o awtour niver a lyvrow ow tochya lien Kernewek ha Sows-Kernewek.
Genys veu yn 1967 yn Sen Austel. Pan veu hwetek bloodh, ev a brenas lyver Peter Berresford Ellis The Cornish Language and its Literature ha dos ha bos war a'y ertach. Wosa henna ev a dhallathas dyski Kernewek. Denis Trevanion, Bardh Meur kyns o y dhyskader y'n skol. Ev a studhyas Lien Sowsnek yn Pennskol Kardydh. Y teuth ha bos dyskader y honan, ow tyski yn Skol Ryskammel. An termyn ma, ev a wrug apposyansow Kesva an Taves Kernewek. Esel o a Barti Kenedhlegek Kernow hag ev o skrifenyas an parti rag termyn. Yn 1995 ev a dhemedhis Amy Hale, anthropologydh a’n Statys Unys. An dhew a gesoberas yn dyllans Inside Merlin’s Cave, lyver a-dro dhe gelmow Kernow hag Arthur Gernow. Yn 1998 ev a aswiwas tekst an Ordinalia rag performyans yn Lannwenep. Yn 2022, ev a veu klevesys gans kurunvirus. Ev a verwis 20 Gortheren 2022.