Radon

Ensampel a	Elven gymyk, gass
Furvell gymyk	Rn
Dydhyas diskudhans	1899
Niver atomek	86
Aray an elektrons	1s² 2s² 2p⁶ 3s² 3p⁶ 3d¹⁰ 4s² 4p⁶ 4d¹⁰ 5s² 5p⁶ 4f¹⁴ 5d¹⁰ 6s² 6p⁶, [Xe] 4f¹⁴ 5d¹⁰ 6s² 6p⁶
Elektronegedhegedh	2.2
Rann a	period 6, bagas 18
Restrennow kelmys war Gemmyn Wikimedia

Elven gemyk ew radon, niver 86 e'n Vosen Beriodek. Y arwodh gemyk ew Rn. An hanow a dheu dhort an elven radiom, ha'y hanow kensa en Sowsnek a veu radium emanation, awos bos gorrys en-mes gen radiom.

Pur ansad ha peryllus ew radon drefen y radyoweythresans glew. Radon ew an brassa kevreiyas dhe dhewydnyans kilva naturel. Ev a dheu dhort kerrygi en naturel, ha radn (pur vian) ew e'n ayrgylgh. Ev a guntell en derevyansow en tiredhow lebmath uji men growan, pekara Kernow. Radon ew omgemeryansek rag 10% a gasys kanker skevens. Lemmyn yma daffar previ rag radon.

Diskudhys veu gen Ernest Rutherford en 1899 yen Universita McGill, Montreal, Kanada. Ev a studhyas an gass hag a dheuth dhort thoriom, hag ajon bos elven nowydh ena. Gass diliw ew radon na wra dasoberi gen elvednow erel. Poos atomek radon ew 222, y boynt teudhi ew -71°C ha'y boynt bryjyon ew -62°C. Y dhosedh ew 9.7 gramm an liter.