Vide etiam paginam discretivam: Alexander (discretiva).
Alexander est tragoedia quam Euripides anno 415 a.C.n. protulit, hodie deperdita. Eodem die apud Dionysia tragoedias Palamedem et Troades fabulamque satyricam Sisyphum docuit et ob hanc tetralogiam secundas tulit.[1]
Alexander historiam Pridis praebet, qui nuper partus a patre Priamo et matre Hecuba reiectus a bubulcis educatus est in monte Ida. Adulescens Troiam rediens in ludis vincit et a parentibus recognitus in familiam recipitur, abnuente Cassandra quae ruinam urbis praedicit. E fabula Euripidea fragmenta fere 25 servantur, una cum hypothesi (hoc est argumento) in papyro reperta.[2]
- ↑ Aelianus, Varia historia 2.8.
- ↑ P. Oxy. 3650.