Back علم الإنسان الاجتماعي Arabic Antropoloxía social AST Sosial antropologiya Azerbaijani Социална антропология Bulgarian সামাজিক নৃবিজ্ঞান Bengali/Bangla Socijalna antropologija BS Antropologia social Catalan Antropologia suciale Corsican Socialantropologi Danish Sozialanthropologie German

Anthropologia socialis

Museum Britannicum Londinii situm.
E. B. Tylor Eques, anthropologus saeculi undevicensimi.

Anthropologia socialis est praevalens anthropologiae constituens per Britanniarum Regnum et Consortionem et multum Europae, praecipue in Francia,[1] ubi ab anthropologia culturali distingui solet.[2] In Civitatibus Foederatis, anthropologia socialis intra anthropologiam culturalem late instituitur, vel intra anthropologiam socioculturalem, notionem aliquantum novam.

Contra anthropologiam culturalem, cultura cum sua continuitate—narrationibus, ritibus, et moribus symbolicis eacum consociatis—variabile dependens (explanandum) ab anthropologis socialibus usitate videri solet, in contextu historico et sociali, sua diversitate conspectuum, ambiguitatum, dissensionum, et contradictionum vitae socialis haud excepta, potius quam variabile liberum (explanans).

Bronislaus Malinowski, anthropologus praecipue in Schola Oeconomicae Londiniensi.

Inter res anthropologis socialibus magni momenti sunt conventiones, organizatio oeconomica et politica, iurisprudentia et resolutio pugnae, exemplaria consumptionis et permutationis, consanguitas et descensus et structura familiarum, relationes generis, partus et socializatio, religio, cum animos hodiernorum anthropologorum socialium etiam agitantur per globalismum, violentiam ethnicam, studia generis, transnationalismum et experientiam loci, ac emergentes cyberspatii culturas,[3] adversariosque reconciliare potest cum curae de circumiectis et progressus oeconomicus inter se repugnent.[4]

Anthropologi Britannici et Americani, inter quos Gillian Tett et Karen Ho, quae Viam Wall investigaverunt, alteram discriminis pecuniarii 2007–2010 explicationem contra explicationes technicas in ratione oeconomica et politica fundatae praebuerunt.[5]

Discrepantiae inter anthropologias socioculturales Britannicas Francicas et Americanas imminutae sunt ob sermonem ampliantem et mutuationem rationum et usuum. Anthropologi sociales et culturales, et nonnulli qui ambos status component, in plurimis institutis anthropologiae inveniuntur. Ergo iusta institutorum nomina res quas hae disciplinae tractant non semper plene ostendunt. Nonnulla, sicut Institutum Anthropologiae Socialis et Culturalis[6] (Oxoniae), nomen mutaverunt ad mutationem compositionis adaequandam; alia, sicut anthropologia socialis in Universitate Cantuariensi, simpliciter instituta anthropologiae facta sunt.[7] Plurima autem nomen quo condita sunt retinent.

Anthropologia socialis diuturnae investigationi qualitivae, studiis agrestibus (rationibus observationis participis exprimentibus) non exclusis, favere solet, potius quam enodationes quantativae inspectionum, quaestionaria, et breves salutationes agrestes ab oeconomis, scientistis politicis, et (plurimis) sociologicis usitate adhibitae.[8]

  1. ↑ Dianteill 2012.
  2. ↑ Benchmark Statement Anthropology, www.qaa.ac.uk (QAA).
  3. ↑ The Department of Anthropology at Harvard University, www.fas.harvard.edu.
  4. ↑ Hendry 1999.
  5. ↑ Ho 2009.
  6. ↑ Institute of Social and Cultural Anthropology, www.isca.ox.ac.uk.
  7. ↑ School of Anthropology and Conservation.
  8. ↑ Bernard 2006.
From Wikipedia, the free encyclopedia · View on Wikipedia

Developed by Nelliwinne