Bela III (rex Hungariae)

Bela III (rex Hungariae)

Res apud Vicidata repertae:

Nativitas: 1148; Regnum Hungariae
Obitus: 23 Aprilis 1196; Regnum Hungariae
Patria: Hungaria

Familia

Genitores: Geza II; Euphrosyne of Kyiv
Coniunx: Agnes de Castellione, Margarita Franciae
Proles: Emericus, Margarita Hungariae, Andreas II, Constance of Hungary
Familia: Árpád dynasty

Memoria

Sepultura: Székesfehérvár Basilica

Bela III (natus c. 1148; mortuus die 23 Aprilis 1196), filius Gezae II, fuit rex Hungariae ab anno 1172 usque ad mortem, successore Emerico.

Ab anno fere 1164 usque ad 1169 Constantinopoli degit sub tutela Manuelis Comneni imperatoris, nomine Graeco "Alexius" tituloque Caesar appellatus, ut qui filiam imperatoris Mariam in matrimonium ducendus successorque ad imperium futurus sit.

In matrimonium anno circiter 1170 duxit Agnetem de Castellione, filiam Reginaldi de Castellione et sororem ex alio patre imperatricis Mariae Antiochiae. Agnes eo filios duos filiasque duas peperit:

• Emericus (1174 - 1204), rex futurus
• Margarita (1175 - post 1223), quae primo Isaacio Angelo imperatori nupsit, deinde Bonifacio Montisferratensi
• Andreas (c. 1177 - 1235), rex futurus
• Constantia (c. 1180 - 1240)

Agnete mortua, Bela anno 1185/1186 in matrimonium duxit Margaritam, filiam regis Francici Ludovici VII, sororem ex alia matre imperatricis Agnetis, et viduam Henrici regis iunioris Angliae.