Back Nasionale Biblioteek van Spanje Afrikaans المكتبة الوطنية الإسبانية Arabic مكتبة اسبانيا الوطنيه ARZ Biblioteca Nacional d'España AST İspaniya Milli Kitabxanası Azerbaijani Нацыянальная бібліятэка Іспаніі Byelorussian Нацыянальная бібліятэка Гішпаніі BE-X-OLD Национална библиотека на Испания Bulgarian बिब्लियोतिका नेशनल दे एस्पाना Bihari Nacionalna biblioteka Španije BS

Bibliotheca Nationalis Hispaniae

Frons principalis Bibliothecae Nationalis Matriti.

Bibliotheca Nationalis Hispaniae (Hispanice Biblioteca Nacional de España) est bibliotheca quae, organismus liber appellata,[1] deposita patrimonii bibliographici et documentarii Hispaniae tenet. Haec institutio, fontibus bibliographicis coniungendis, perscribendis, conservandisque dicata, triginta fere milliones rerum intra fines nationales ex saeculo XVIII editarum tenet, inter quas libri, periodica, magazinae, tabulae geographicae, soni impressi, adumbrationes, partiturae musicae, libelli.

Logotypus bibliothecae.
Effigies Sancti Isidori Hispalensis iuxta gradus bibliothecae sedentis. Opus Iosephi Alcoverro y Amorós.
Singulae partes fastigiii bibliothecae.
Aedificium Bibliothecae Nationalis Hispania anno 1904 exstructum in La Ilustración Artística, periodico Barcinonae edito, depingitur.
Frons aedificii trecentos blbliothecae annos commemorat.
Allegoria Hispaniae. Statua ab Augusto Querol sculpta et supra aedificium posita.
Pagina in manuscripto Cantar de mio Cid, poematis epici de Roderico Didaci aetate Recuperationis Hispanicae compositi, quod bibliotheca conservat.
Marcellinus Menéndez y Pelayo. Statua in vestibulo bibliothecae posita.

Bibliotheca Nationalis bibliographicum patrimonium civicum per catalogum rerum in bibliotheca contentarum disseminat, atque omnibus procul per situm interretialem,[2] qui praecipuas res bibliographicas praebet, ac per permutationes interbibliothecarias praesto est. Lectores ad collectiones digitales penetrare possunt per Bibliothecam Digitalem Hispanicam.[3] Museum bibliothecae collectiones, operationes, historiamque Bibliothecae Nationalis conservat. Bibliotheca etiam rationes hodiernorum eventuum culturalium producit.[4]

Principalis bibliothecae sedes in paseo de Recoletos apud Palatium Bibliothecae et Museorum Nationalium patet, aedificium cum Museo Archaeologico Nationali communicatum. Praeterea, bibliotheca alteram sedem Compluti habet, in urbe universitariá, quae 35 fere chiliometra ad septentriones et orientem medii Matriti iacet.

Rector hoc tempore est Anna Santos Aramburo, anno 2013 creata.[5] Inter priores rectores erant Gloria Pérez-Salmerón (2010–2013), Milagros del Corral (2007-2010), Ioannes Paulus Fusi historicus (1996–2000), et Rosa Regàs auctor (2004–2007). Bibliothecae sunt 1025 fere conducti alii.

Bibliotheca, nomine Bibliotheca Publica Palatii (Hispanice Biblioteca Pública de Palacio), a Philippo V rege anno 1712 condita est

Nexus interni

  1. ↑ Art. 1.1 RD 1638/2009
  2. ↑ Situs interretialis Bibliothecae Nationalis Hispaniae.
  3. ↑ Situs interretialis Bibliothecae Nationalis Hispaniae.
  4. ↑ "Actividades culturales de la Biblioteca Nacional de España."
  5. ↑ "Cultura releva a la directora de la Biblioteca Nacional," El País.
From Wikipedia, the free encyclopedia · View on Wikipedia

Developed by Nelliwinne