Back Nord del Canadà Catalan باکووری کەنەدا CKB Nordkanada German Kanaday Zımey DIQ Northern Canada English Norda Kanado Esperanto Kanadako artikoa Basque شمال کانادا Persian Nord canadien French Noardlik Kanada Frisian
Canada Septentrionalis, vulgo Septentriones tantum, est vasta Canadae regio septentrionalissima, quae varie per geographiam et rationem civilem definitur. Hic terminus per rationem civilem tria territoriia Canadae attingit: Iuconus, Territoria Boreoccidentalis, Nunavut. Locutio autem Longinqui Septentrionales (contra Septentriones) solam Arcticam Canadiensem attingere potest, quae est pars Canadae ad septentriones Circuli Arctici sita, ad orientem Alascae et ad occidentem Groenlandiae patens. Haec area 39 fere centesimas totius terrae Canadae, sed minus quam 1 centesimam incolarum Canadae continet. Omnis Canada Septentrionalis Quebecum Septentrionale et Laboratoriam Septentrionalem aliquando continere putatur.