Back Ала Abkhazian Asèe ACE Хьэ ADY Hond Afrikaans Hund ALS ውሻ Amharic Waco AMI Can AN Ibo ANN कुत्ता ANP
Ordo : Carnivora
Familia : Canidae
Genus : Canis
Species : Canis lupus
Subspecies : C. l. familiaris
Canis lupus familiaris,[1] vulgo canis familiaris[2][3] vel canis tantum, est forma domestica Canis lupi, speciei familiae Canidarum ordinis Carnivorum, cuius proprietas est cauda recurvata. Canis ex exstincto lupo Pleistocaenico deducitur,[4][5] et lupus hodiernus est proximus cani cognatus vivus.[6] Canis prima species domesticata est,[7][6] a venatoribus collectoribusque abhinc annorum 15 000,[5] ante agriculturam inventam.[8] Propter diutinam consvetudinem hominis sapientis canis domesticus quidem multitudine et numero in affluentiam venit[9] et patiens amyli est factus, qualis victus aliis canidis haud convenit.[10]
Vocabulum canis varietates et feras et domesticas designando complectitur. Canis domesticus est unus e latissime conservatis laborantibus, venaticis, et affabilibus animalibus in toto orbe terrarum.
Canes cito facti sunt omnibus culturis accepti, et erant in primis hominis conventiculis pretiosissimi. Putatur migratio trans Fretum Beringianum fortasse nullo modo fieri potuisse sine canibus trahariis (Anglice sled dogs). Canes in variis partibus homines adjuvant, ut in venatione, pascendo, tutela, opere vigilum et militum, sodalitate, et ex brevi tempore hominibus impeditis ministrando.
Canes sunt animalia familiaria, comites hominum fideles, quibus fere licet eorum domos intrare. De canis fidelitate amicitiaque fabulae abunde exstiterunt. Ceterum mores canum probant iis esse magnam intellegentiam. Intellegentia canum manifesta ostenditur in discendo ac problematibus solvendis.
Olfactus caninus tricies quinquies tanto sagacior quam noster est; aures autem caninae percipiunt sonos longe graviores aut acutiores quam quos homines possunt percipere.
- ↑ Wang et Tedford 2008: 1.
- ↑ Alvares et al. 2019
- ↑ Wang et Tedford 2008: 1.
- ↑ Bergström, Anders; Frantz, Laurent; Schmidt, Ryan; Ersmark, Erik; Lebrasseur, Ophelie; Girdland-Flink, Linus; Lin, Audrey T.; Storå, Jan et al (2020). "Origins and genetic legacy of prehistoric dogs". Science 370 (6516): 557–564
- ↑ 5.0 5.1 Frantz, Laurent A. F.; Bradley, Daniel G.; Larson, Greger; Orlando, Ludovic (Augusto 2020). "Animal domestication in the era of ancient genomics". Nature Reviews Genetics 21 (8): 449–460
- ↑ 6.0 6.1 Freedman, Adam H; Wayne, Robert K (2017). "Deciphering the Origin of Dogs: From Fossils to Genomes". Annual Review of Animal Biosciences 5: 281–307
- ↑ Larson, Greger; Bradley, Daniel G. (16 Ianuarii 2014). "How Much Is That in Dog Years? The Advent of Canine Population Genomics". PLOS Genetics 10 (1): e1004093
- ↑ Thalmann, Olaf; Perri, Angela R. (2018). "Paleogenomic Inferences of Dog Domestication". In Lindqvist, C.; Rajora, O.. Paleogenomics. Population Genomics. Springer, Cham. pp. 273–306. ISBN 978-3-030-04752-8
- ↑ Ostrander, Elaine A; Wang, Guo-Dong; Larson, Greger; vonHoldt, Bridgett M; Davis, Brian W; Jagannathan, Vidhya; Hitte, Christophe; Wayne, Robert K et al (1 Iulii 2019). "Dog10K: an international sequencing effort to advance studies of canine domestication, phenotypes and health". National Science Review 6 (4): 810–824
- ↑ Axelsson, E.; Ratnakumar, A.; Arendt, M. L.; Maqbool, K.; Webster, M. T.; Perloski, M.; Liberg, O.; Arnemo, J. M. et al (2013). "The genomic signature of dog domestication reveals adaptation to a starch-rich diet". Nature 495 (#7441): 360–64.