Back Kathmandu ACE Katmandoe Afrikaans ካትማንዱ Amharic Katmandú AN Cæþmandū ANG كاتماندو Arabic كاتماندو ARZ কাঠমাণ্ডু Assamese Katmandú AST काठमाडौं AWA
CatmandumLocus: 27°42′36″N 85°19′12″E
Numerus incolarum: 845 767
Zona horaria: UTC+05:45, Nepal Standard Time
Situs interretialis
Gestio
Procuratio superior: Kathmandu District
Geographia
Coniunctiones urbium
Tabula aut despectus
Catmandum[1] lingua Nepali काठमाडौं Kāṭhamāṇḍauṁ,[2] est urbs Nepaliae et a saeculo XVIII caput huius civitatis. Ibi homines 975 453 anno 2011 habitabant. Sub radice montium Himalaya media valle Kathmanduensi iacet ad ripam occidentalem fluminis Bāgamatī.
.jpg)
Urbes fere quattuor sibi adiacentes aevo medio in valle Kathmanduensi floruerunt, e quibus una, Kāntipura (कान्तिपुर) olim rite appellata sed iam a peregrinatoribus Europaeis saeculo XVII nomine Cadmendu[3] laudata, anno 1786 caput regni constituta est. Nomen hodiernum ab hospitio religioso Kāṣṭhamaṇḍapa(en) (devanagari काष्ठमण्डप: ad pedem litterarum "deversorium ligneum") trahitur, a saeculo XII in scripturis relato, iam saeculo VII fide archaeologorum constructo, anno 1596 certe renovato, media urbe olim eminente sed terrae motu magnitudine 7.8 die 25 Aprilis 2015 incidente deleto.
Urbs et vallis Kathmanduensis patrimonio mundiali inscriptae sunt, templis aedificiisque Buddhisticis et Hinduicis multis ornatae, quorum haud pauca eodem terrae motu anno 2015 destructa sunt. Urbs nihilominus a peregrinatoribus omnis terrarum orbis permultis frequentatur.
- ↑ "Catmandum": Tuomo Pekkanen & Reijo Pitkäranta, Lexicon hodiernae Latinitatis Finno-Latino-Finnicum. Societas Litterarum Finnicarum, Helsinkium, 2006; Ebbe Vilborg, Norstedts svensk-latinska ordbok. Andra upplagan. Norstedts akademiska förlag, Stockholm, 2009.
- ↑ Unde vb. adiect. "Kathmanduensis", cf. nomina biologica e.g. Impatiens kathmanduensis
- ↑ "In urbem metropolitanam regni Necbal, quae Cadmendu dicitur" (fasc. 5 p. 20 apud Google Books). "Cadmendu" saepe et alibi