Back Cistòfor (moneda) Catalan Cistophor German Κιστοφόρος Greek Cistophorus English Cistóforo Spanish Cistophore French Cistóforo Galician Cistoforo Italian Cistoforas Lithuanian Cistophorus Dutch

Cistophorus

Cistophorus Pergami percussus tempore Reipublicae Romanae. Ex una parte serpens e cista reptans in corona Dionysiaca videtur, ex altera duo serpentes internexi circa corytum. Laeva monogramma ex litteris graecis ΠΕΡΓ = Pergamum. TEY supra primae litterae nominis magistratus monetarii fortasse sunt. Dextra in hoc nummo baculum Aesculapii.

Cistophorus (Graece κιστοφόρος) est nummus argenteus in regno Pergameno et in provincia Asia a secundo saeculo a.C.n. ineunte usque ad finem secundi saeculi p.C.n. percussus. Etenim post pacem Apameae pactam (188 a.C.n.) cudi coepti sunt[1] nec desierunt ante tempus imperatorum Septimi Severi et Caracallae. Cistophori vocati sunt quia imaginem sacrae cistae Dionysiacae (e qua serpens exibat) in argento expressam praebebant. Nam vocabulum cistophoros Graece 'cistam ferens' significat.

  1. ↑ Titus Livius XXXVII, 46,58 et 59. Nonnullis numismatistis modernis cistophorus videtur non ante 175 a.C.n. cusus fuisse et Titus Livius falsum testimonium dedisse.
From Wikipedia, the free encyclopedia · View on Wikipedia

Developed by Nelliwinne