Back Unió Acadèmica Internacional Catalan Union Académique Internationale Welsh Union Académique Internationale German Διεθνής Ακαδημαϊκή Ένωση Greek Union Académique Internationale English Internacia Akademia Unio Esperanto Unión Académica Internacional Spanish Rahvusvaheline Akadeemiate Liit Estonian Union académique internationale French Akadémiák Nemzetközi Szövetsége Hungarian

Consilium Academiarum Consociatarum

Aedificium Bruxellis situm, ubi secretariatus Consilii Academiarum Consociatarum locum habet.

Consilium Academiarum Consociatarum,[1] Francogallice Union académique internationale, est organizatio internationalis ad collaborationem inter academias scientiarum fovendam atque incepta communia promovenda, anno 1919 fundata.

Mense octobri anni 1919, iuxta propositum Academiae Inscriptionum et Litterarum Humaniorum, Parisiis sitae, academiae undecim civitatum, Bataviae nempe, Belgii, Britanniarum Regni, Daniae, Civitatum Confoederatarum, Francogalliae, Graeciae, Italiae, Iaponiae, Poloniae Rossiaeque Lutetiam convenerunt atque post quattuor dies deliberationum in Bibliotheca Nationali consociationem formaverunt,[2] academiis etiam Hispaniae, Norvegiae Romaniaeque faventibus.[3] Hodie membra Consilii Academiarum Consociatarum sunt plus quam centum academiae scientiarum in 63 civitatibus sui iuris.[4] Secretariatus Consilii Bruxellis situs est.

Inter incepta a Consilio Academiarum Consociatarum ordinata primum et antiquissimum est Corpus Vasorum Antiquorum. Inter alios inceptus, quorum omnium numerus hodie ad 95 crevit, nominandi sunt, exempli gratia: « Aristoteles Latinus » (ad edendas translationes Latinas operum Aristotelis), « Tabula Imperii Romani » (ad tabulam geographicam Imperii Romani terrarumque adiacentium delineandam), atque « Codices Latini Antiquiores » (catalogus codicum Latinorum ante saeculum nonum perscriptorum).[5]

  1. ↑ Hoc nomen Latinum invenitur in Novo glossario mediae Latinitatis, cuius fasciculi annis 1958–1998 a Consilio publici iuris facta sunt.
  2. ↑ Willaume, Margarita (1992) Participation de la Pologne aux activités de l’Union Académique Internationale (1919-1939). Annales Universitatis Mariae Curie-Skłodowska. Sectio F, Historia, 4647: 369–386 [Polonice, cum summario Francogallico].
  3. ↑ Ericus Turner, UAI - Historique. Textus in pagina interretiali Consilii Academiarum Consociatarum.
  4. ↑ Académies membres. Textus in pagina interretiali Consilii Academiarum Consociatarum.
  5. ↑ Projets. Textus in pagina interretiali Consilii Academiarum Consociatarum.
From Wikipedia, the free encyclopedia · View on Wikipedia

Developed by Nelliwinne