Back Kubisme Afrikaans Kubismus ALS تكعيبية (فن) Arabic التكعيبيه ARZ Cubismu AST Kubizm Azerbaijani Kubismo BCL Кубізм Byelorussian Кубізм BE-X-OLD Кубизъм Bulgarian

Cubismus

Roberti Delaunay, Simultaneous Windows on the City, 1912, 46 x 40 cm, Hamburger Kunsthalle, exemplum Cubismi Abstracti.

Cubismus (ex cubo) est motus artis avant-garde saeculi vicensimi ineuntis qui picturam et sculpturam Europaeam commutavit, motusque cognatos in musica, litteris, et architectura inspiravit. Habitus est motus artis saeculi vicensimi maximi momenti.[1][2] Vocabulum late adhibetur cum varissimis generibus artis Lutetiae (plerumque Mons Martyrum, Mons Parnassus, et Puteaux) annis 1910 et 1920 effectis.

Pauli Cézanne, Quarry Bibémus, 1898–1900, Museum Folkwang, Essen Germaniae.
Ioannis Gris, Imago Picassoana, 1912, oleum in carbaso, Art Institute of Chicago.
Le Corbusier, Aedificium Conventuale, Chandigarh Indiae.

Praecursores et duces fuerunt Georgius Braque et Paulus Picasso, qui cum Andrea Lhote, Ioanne Metzinger, Alberto Gleizes, Roberto Delaunay, Henrico Le Fauconnier, Fernando Léger, et Ioanne Gris exemplaria motus excoluerunt.[3] Una ex primis notionibus quae ad Cubismum conduxerunt fuit repraesentatio formae trium dimensionum in ultimis Pauli Cézanne operibus.[4] Retrospectiva picturarum Cézannianarum exhibitio in Salon d'Automne anno 1904 habita fuerat, opera nova in hoc salon annis 1905 et 1906 exhibita sunt, cum duabus exhibitionibus retrospectivis post pictoris mortem anno 1907.[5] Res in artificibus Cubisticis quasi in membra discerpuntur et in unum abstracte reducuntur; praeterea, contra quendam rem ex uno loco visam, artifex rem ex variis locis depingit ad eam in maiore contextu repraesentandam.[6]

Longe lateque valebat Cubismus multum. Rapide circum orbem terrarum extendebatur, se variis modis evolvens. Initium in historia artis fuit rationis evolutionariae quae magnam diversitatem effecit, antecedentia diversissimorum artis motuum.[7]

  1. ↑ Christopher Green, MoMA collection, Cubism, Introduction, from Grove Art Online, Oxford University Press, 2009
  2. ↑ Cubism: The Leonard A. Lauder Collection, The Metropolitan Museum of Art, New York, 2014
  3. ↑ Christopher Green, MoMA collection Cubism, Origins and application of the term'' ex Grove Art Online (Oxford University Press, 2009).
  4. ↑ Christopher Green, "Cubism, MoMA," Grove Art Online (Oxford University Press, 2009).
  5. ↑ Joann Moser, Jean Metzinger in Retrospect, Pre-Cubist works, 1904–1909 (The University of Iowa Museum of Art, J. Paul Getty Trust, University of Washington Press, 1985), 34-42.
  6. ↑ Jean Metzinger, Note sur la peinture, Pan (Paris), October–November 1910
  7. ↑ Green 1987.
From Wikipedia, the free encyclopedia · View on Wikipedia

Developed by Nelliwinne