Back مجمع العقيدة والإيمان Arabic Кангрэгацыя Веравучэння Byelorussian Конгрегация за доктрината на вярата Bulgarian Congregació de la doctrina de la Fe Catalan Cynulliad dros Athrawiaeth y Ffydd Welsh Congregation for the Doctrine of the Faith English Kongregacio por la doktrino de la kredo Esperanto Fedearen Doktrinarako Kongregazioa Basque Uskonopin kongregaatio Finnish Dicasterio para a Doutrina da Fe Galician
Dicasterium pro doctrina fidei est vetustissima curiae Romanae congregatio, quae nomine Congregatio Romanae et universalis Inquisitionis a papa Paulo III cum constitutione "Licet ab initio" die 21 Iulii 1542 condita est, ut Ecclesiam ab haeresibus defenderet.
Anno 1908 Pius Papa X congregationi novum nomen, quod est Sacra Congregatio Sancti Officii, addixit. Nomen hodiernum a Paulo Papa VI litteris apostolicis motu proprio datis "Integrae servandae" die 7 Decembris 1965 inditum est.
Secundum constitutionem apostolicam "Pastor Bonus" (art. 48) munus proprium huius congregationis, quae viginti quinque membris e quattuordecim civitatibus oriundis constat:
- est doctrinam de fide et moribus in universo catholico orbe promovere atque tutari; proinde ipsi competunt ea, quæ hanc materiam quoquo modo attingunt.
- Apud Congregationem de Doctrina Fidei constitutæ sunt Pontificia Commissio Biblica et Commissio Theologica Internationalis, quæ iuxta proprias probatas normas agunt quibusque præest Cardinalis eiusdem Congregationis Præfectus ("Pastor Bonus," art. 55).
Praeses Congregationis pro Doctrina Fidei fuit a die 13 Maii 2005 usque ad diem 2 Iulii 2012 cardinalis Gulielmus Iosephus Levada, qui Iosepho Ratzinger successit, cum Ratzinger die 19 Aprilis 2005 papa creatus esset. Novus praeses a die 2 Iulii 2012 usque ad diem 2 Iulii 2017 Gerardus Ludovicus Müller. Eodem tempore secretarius erat Aloisius Franciscus Ladaria Ferrer, qui nunc a die 3 Iulii 2017 praeses est.
Hac Congregatio mutavit nomen cum nova constitutio Praedicate Evangelium et sumpsit nominem Dicasterium pro doctrina fidei.