Edgarus Faure

Edgarus Faure

Res apud Vicidata repertae:

Nativitas: 18 Augusti 1908; Baeterrae
Obitus: 30 Martii 1988; Circumdarium VII Lutetiae
Patria: Francia

Familia

Coniunx: Lucie Faure

Memoria

Sepultura: Passy Cemetery

Edgarus Faure (Baeterris natus die 18 Augusti 1908, Lutetiae die 30 Martii 1988 mortuus), alumnus Scholae Linguarum Orientalium, fuit causidicus, rerum gestarum scriptor et politicus. Socius fuit Academiae Francicae ab anno 1978.

Senator fuit pro praefectura Iurae a die 28 Aprilis 1959 ad 8 Februarii 1966. Legatus est conventui nationali pro eadem praefectura a die 10 Novembris 1946 ad 6 Decembris 1958, postea pro praefectura Dubis a die 4 Martii 1973 usque ad 28 Septembris 1980. Senator rursus electus est pro praefectura Dubis die 2 Octobris 1980, quo officio usque ad 30 Martii 1988 functus est.

Minister vectigalium a die 20 Ianuarii ad 8 Martii 1952, minister a rebus internis ab 1 Decembris 1955 ad 1 Februarii 1956, minister ab agricultura anno 1966, minister ab eruditione ab 12 Iulii 1968 ad 20 Iunii 1969, minister a rebus socialibus ab 6 Iulii 1972 ad 2 Aprilis 1973 meruit. Praeses consilii ministrorum bis fuit, a die 20 Ianuarii usque ad 8 Martii 1952, iterum a die 23 Februarii 1955 usque ad 1 Februarii 1956.

Lege die 12 Novembris 1968 ab illo lata, singula universitas Parisiensis in successores tredecim anno 1970 divisa est, quae ab initio numeris, deinde agnominibus mutabilibus distinctae sunt: I Panthéon-Sorbonne, II Panthéon-Assas, III Sorbonne-Nouvelle, IV Paris-Sorbonne, V René-Descartes, VI Pierre-et-Marie-Curie, VII Denis-Diderot, VIII Vincennes-Saint-Denis, IX Paris-Dauphine, X Paris-Nanterre, XI Paris-Sud, XII Paris-Est, XIII Paris-Nord.