Fordicidia

Fordicidia erant festum Romanum, Telluri dedicatum, quod die tertio post Idus Apriles hoc est 15 Aprilis celebrabant.

Varro explicat:

Fordicidia a fordis bubus; bos forda quae fert in ventre; quod eo die publice immolantur boves praegnantes in curiis compluris, a fordis caedendis Fordicidia dicta^[1].

Romae virginibus Vestalibus praesentibus triginta (pro curiarum numero) vaccae praegnantes Telluri deae immolabantur; fetus exempti a Vestalibus incendebantur et cinis eorum usque ad Parilia servabatur ad suffimentum parandum quo stabula purgabantur.

Ovidius in Fastis^[2] originem Fordicidium narrat. Numa Pompilius Fauni aenigma soluit et sacra instituit.