Back Beringstraat Afrikaans Beringstraße ALS Estreito de Bering AN مضيق بيرنغ Arabic لمضيق د بيرينݣ ARY بيرينج ARZ Estrechu de Bering AST Bering Vedil AVK Berinq boğazı Azerbaijani Беринг боғаҙы Bashkir

Fretum Beringianum

Despectus in Fretum Beringianum ex satellite.

Fretum Beringianum[1] vel Beringii[2][3] (Anglice Bering Strait; Russice Берингов пролив, tr. Beringov proliv; Yupik Imakpik) est fretum maritimum inter promunturium Dezhnevii districtus autonomi Tschucotici Russiae, orientalissimum (169°43' occidentalis) continentis Asiae locum, et Caput Principis Walliae Alascae Civitatum Foederatarum, occidentalissimum (168°05' occidentalis) continentis Americae Septentrionalis locum, in latitudine circa 65°40' septentrionalis patens, aliquantulum ad meridiem circuli polaris situm. Fretum mare Tschukotense et mare Beringianum coniungit. Insulae Diomedis in parte freti septentrionali iacent et insula sancti Laurentii[4] in parte australi.

Proiectio Petersiana in Freto Beringiano dividitur: [1] In aliis tabulis geographicis, pars Russiae in laeva Alascae parte monstratur.

A Symeone Dezhnev inventum est, sed ab expeditione Viti Beringii nomen cepit. Finis inter Russiam et Alascam in freto a Civitatibus Foederatis ad 168°58'37" occidentalem ponitur. Linea commutationis diei per fretum Beringianum inter Insulas Diomedis transit. Nomen freti et maris aliquando apud libros vetustiores litteris Behringianum appellatur.

Charta nautica Freti Beringiani (Anglice signata).
  1. ↑ "ad fretum Beringianum" (p. 47 apud Google Books)
  2. ↑ "littora circum Fretum Beringii tam Americana quam Asiatica" (p. 379 apud Google Books)
  3. ↑ "P. Oudemansii ... Ins. Novaja Semlja et ad fretum Beringi et Turkestania": p. 231
  4. ↑ Adelberti de Chamissonis et Diederici de Schlechtendal(de) Insulae et littora Arctica cis et trans fretum Beringianum, in: Linnaea, 1826, 1, p. 4.
From Wikipedia, the free encyclopedia · View on Wikipedia

Developed by Nelliwinne